МІНСК, 20 ліп - Sputnik. "Белавія" пачне лятаць яшчэ ў адзін грузінскі горад - Кутаісі.
Пералёты будуць выконвацца па серадах і суботах з адпраўленнем з Мінска ў 09:35 і прыбыццём у 13:35. Зваротныя рэйсы - у 14:25 і прыбудуць ў 16:30. Час названы мясцовы, шлях займае 3 гадзіны.
Першы рэйс запланаваны на 4 жніўня. Кутаісі стане трэцім грузінскім горадам у карце палётаў "Белавія" пасля Тбілісі і Батумі.
Самы танны білет у адзін бок абыйдзецца ў 85 еўра, туды-назад - у 169 еўра.
Дастаўляць пасажыраў будуць на Embraer 175, разлічаным на 76 чалавек (12 месцаў у бізнэс-класе). Пры павелічэнні попыту на лінію адправяць больш ёмістыя самалёты.
"Грузія - адзін з самых папулярных кірункаў зараз, таму мы вырашылі даць магчымасць нашым пасажырам наведаць яшчэ адзін горад - Кутаісі. (...) Прыляцеўшы сюды, вы зможаце адчуць атмасферу старадаўніх вулачак і ацаніць грузінскую гасціннасць, бліжэй пазнаёміцца з месцам, апісаным у старажытных легендах . (...) Пры гэтым кошт квіткоў плануецца ніжэй, чым у Батумі і Тбілісі у аналагічны сезон", - адзначыў генеральны дырэктар "Белавія" Ігар Чаргінец.
Кутаісі размешчаны на берагах ракі Рыёні. Адсюль турысты могуць хутка дабрацца як да Чорнага мора, так і да вядомых горналыжных і лячэбных курортаў. Аэрапорт Кутаісі знаходзіцца ў 20 кіламетрах ад горада.
Чытайце таксама:
Акрамя Дубая: "Белавія" будзе лятаць у яшчэ адзін эмірат
"Белавія" скараціла да мінімуму колькасць рэйсаў у Ізраіль
Беларусь і Казахстан павялічаць колькасць авіярэйсаў паміж краінамі