Першыя беларускія спартсмены пачалі выступаць на Алімпіядзе

МІНСК, 23 ліп – Sputnik. Першыя беларускія спартсмены пачалі выступаць на Алімпіядзе.

У акадэмічным веславанні ў папярэднім заездзе адзіночак Таццяна Клімовіч паказала 11 вынік і выйшла ў наступны этап спаборніцтваў. Паўфіналы пройдуць у нядзелю.

У стральбе з лука ў кваліфікацыі лепшай з беларусак стала Карына Дзямінская - 29 месца. На 39 пазіцыі адзначылася Ганна Марусава, горш за астатніх адстралялася Карына Казлоўская - 61 радок.

У кваліфікацыйным раўндзе ў першы дзень Алімпіяды прынялі ўдзел па 64 лучнікі і лучніцы. Кожны здзейсніў па 72 стрэлы, пасля чаго спартсмены занялі адпаведныя месцы, і змаганні перайшлі ў этап на выбыванне: 1 месца пазмагаецца з 64, 2 - з 23, 3 - з 61 і гэтак далей да вызначэння прызёраў.

На 23 ліпеня спаборніцтваў больш не запланавана, уся ўвага будзе прыкавана да афіцыйнага адкрыцця Гульняў у Токіа. Яно пачнецца ў 14:00 па мінскім часе (у 20:00 па мясцовым). З-за пандэміі ўпершыню зборныя краін-удзельніц пройдуць перад пустымі трыбунамі.

Беларусь у Японіі прадставяць 109 спартсменаў у 20 відах спорту.

У суботу, 24 ліпеня, працягнецца спаборніцкая праграма ў акадэмічным веславанні.

У прыватнасці, сярод двоек у барацьбу ўступяць Дзмітрый Фурман, Сяргей Валадзько ў мужчын, Алена Фурман, Іна Нікуліна ў жанчын.

У кулявой стральбе з пнеўматычнай вінтоўкі з 10 м у кваліфікацыі выступіць наша Марыя Мартынава.

У групавой веласіпеднай гонцы на старт выйдзе Аляксандр Рябушэнка.

Пачнуць свае баталіі айчынныя тэнісісты.

У боксе першыя баі правядуць Аляксандр Радзівонаў і Уладзіслаў Смяглікаў.

А ў плаванні ўсё пачнецца для Анастасіі Шкурдай і Іллі Шымановіча.

Каляндар выступленняў беларускіх спартсменаў можна знайсці тут.