МІНСК, 26 ліп – Sputnik. Мітрапаліт Мінскі і Заслаўскі Веніямін, Патрыяршы экзарх Беларусі асвяціў месца, дзе будзе пабудаваны храм у гонар свяціцеля Спірыдона Трыміфунцкага, паведамілі ў Беларускім экзархаце.
Свяціцеля Спірыдона, які праславіўся многімі цудамі, вельмі любяць і шануюць у народзе. Яму моляцца аб дапамозе ў набыцці жылля, новай працы, ён дапамагае бедным, лічыцца нябесным заступнікам удоў і сірот. Хрысціяне вераць, што свяціцель Спірыдон увесь час ходзіць па Зямлі.
У многіх краінах ёсць храмы, прысвечаныя гэтаму святому, у Мінску ёсць толькі прыход, а таксама так званая дамавая царква.
"Храм у гонар свяціцеля Спірыдона Трыміфунцкага з капліцай будуць будаваць у Фрунзенскім раёне Мінска, на скрыжаванні вуліц Мазурава і Скрыпнікава", - распавялі Sputnik у БПЦ у панядзелак.
Згодна праекта, царква з капліцай будзе пабудавана ў візантыйскім стылі, але ўмеранасцю дэкору будзе нагадваць стылістыку храмаў-крэпасцей Беларусі, як Свята-Міхайлаўскі храм у Сынкавічах.
Званіцу вырашылі зрабіць падобнай да званiцы храма на востраве Корфу, у якім 1700 гадоў ужо захоўваюцца мошчы Свяціцеля Спірыдона.
Чаравічкі Спірыдона
Свяціцель Спірыдон шануецца і праваслаўнымі (25 снежня), і каталікамі (14 снежня)
Мошчы Свяціцеля Спірыдона Трыміфунцкага былі перанесены на востраў Корфу у 1456 годзе. Ногі праведніка абутыя ў вышытыя залатой ніткай аксамітныя тапачкі, якія, па грэцкай традыцыі, мяняюць два разы на год перад Вялікаднем і перад днём шанавання святога.
Гэтай традыцыі ўжо шмат гадоў. Тапачкі, ці чаравічкі Свяціцеля Спірыдона таксама шануюцца як святыня. Лічыцца, што яны стоптваюцца, таму што Святы ўвесь час у шляху.
Некалькі гадоў таму ў Беларусь прывозілі для пакланення чаравічак Свяціцеля Спірыдона.
Чытайце таксама:
Хрэсны ход з часціцай мошчаў князя Аляксандра Неўскага пройдзе ў цэнтры Мінска
Багародзіца з вогненным абліччам: у Мінск прывязуць стараверскія абразы
Лукашэнка збіраецца зрабіць з Жыровічаў жамчужыну