МІНСК, 30 ліп - Sputnik. Цэны на малочныя прадукты ў Беларусі павышаюцца амаль на 5%, паведамілі ў прэс-службе Міністэрства антыманапольнага рэгулявання і гандлю рэспублікі.
Паводле інфармацыі МАРГ, гэтае рашэнне было ўхвалена камісіяй па пытаннях дзяржрэгулявання цэнаўтварэння пры Саўміне "ў мэтах кампенсацыі росту затрат на вытворчасць (увоз) і (або) рэалізацыю малака і малочных прадуктаў".
"Узгоднена павышэнне коштаў на ўвесь асартымент малака, кефіру, смятаны, тварагу тлустага, тварагу нятлустага, сыра цвёрдага, паўцвёрдага, масла жывёльнага", - сказалі ў міністэрстве.
Там таксама адзначылі, што падняць цэны змогуць юрыдычныя асобы ўсіх формаў уласнасці і індывідуальныя прадпрымальнікі, якія вырабляюць (увозяць) і (або) рэалізуюць такую прадукцыю на ўнутраным рынку.
Пры гэтым ім дазволілі падняць цэны на "малочку" не больш чым на 4,9% у адносінах да паказчыкаў, якія склаліся на 28 лютага бягучага года.
Павышэнне коштаў дадзеныя суб'екты змогуць правесці да суботы 31 ліпеня.
Чытайце таксама:
Цэны стануць ніжэй? З 1 жніўня знізяцца стаўкі ПДВ на шэраг прадуктаў для дзяцей
У Беларусі падаражэе рыс
У Беларусі даражэюць хлеб, дзіцячае харчаванне і іншыя прадукты