МІНСК, 23 жні - Sputnik. Моцныя дажджы чакаюцца ў аўторак у многіх раёнах Брэсцкай і Гомельскай абласцей, абвешчаны аранжавы ўзровень небяспекі, паведамілі ў Белгідрамеце.
Надвор'е на поўдні рэспублікі будуць вызначаць маларухомыя атмасферныя франты. Па астатняй частцы Беларусі захаваецца ўплыў вобласці павышанага атмасфернага ціску. Чакаецца воблачна з праясненнямі.
На поўдні рэспублікі магчымы моцныя дажджы, месцамі - навальніцы. Туман чакаецца ноччу і раніцай.
Тэмпература паветра ўначы складзе +6 .. +11°С, па поўдні краіны слупок тэрмометра ўзнімецца да +13°С, днём чакаецца +14 .. +20°С, месцамі - да +22°С.
Пры гэтым сіноптыкі б'юць трывогу з-за недахопу дажджоў каля Мазыра на рацэ Прыпяць. У бліжэйшыя дні, па прагнозах, узровень вады дойдзе да адзнакі, пры якой узнікаюць цяжкасці ў працы рачнога транспарту.
Аранжавы ўзровень небяспекі значыць, што надвор'е ўяўляе рэальную небяспеку для чалавека і можа негатыўна паўплываць на яго сацыяльна-эканамічную дзейнасць і прывесці да значнай матэрыяльнай шкоды, таксама магчымыя ахвяры.
Асцярожнасць не перашкодзіць
На мінулым тыдні ў аўторак таксама быў абвешчаны аранжавы ўзровень небяспекі. У выніку моцная непагадзь прайшлася па цэнтральным рэгіёне рэспублікі. Удар стыхіі прыйшоўся і на ГД "Ждановічы". У выніку пацярпелі два чалавекі, у тым ліку дзіця, іх адвезлі ў бальніцу.
Ратавальнікі выязджалі на распілоўку ў Мінскай вобласці больш за 30 разоў. Таксама вецер знёс дахі 32 жылых дамоў і 23 сельскагаспадарчых будынкаў.
Чытайце таксама:
Усё па грыбы: абмежаванні на наведванне лясоў зняты па ўсёй Беларусі
Насельнікі заапарка ратуюцца ад спёкі пры дапамозе ледзяных "тартоў"
За ўсю гісторыю метэаназіранняў: тэмпературны рэкорд чэрвеня пабіты ў Беларусі