МЗС Расіі здзівіла, што Беларусь абвінавачваюць "у заахвочванні нелегальнай міграцыі ў ЕС"

МІНСК, 30 жні – Sputnik. У МЗС РФ здзіўлены абвінавачванням Захаду ў адрас Беларусі з нагоды нібыта заахвочвання нелегальнай міграцыі ў ЕС.

Як заявіў у інтэрв'ю РІА Навіны упаўнаважаны МЗС РФ па пытаннях праў чалавека, дэмакратыі і вяршэнства права Рыгор Лук’янцаў, у апошні час ціск на Мінск узрос. Прычым, гэта не толькі знешні ціск, але і пагроза бяспекі ўнутры краіны.

"Шчыра кажучы, вельмі моцна мы былі здзіўлены таму, што Мінск абвінавачваюць у тым, што ён паслядоўна стварае і заахвочвае нелегальную міграцыю ў краіны ЕС з Блізкага Усходу і Поўначы Афрыкі", - сказаў Лук’янцаў.

Раней Аляксандр Лукашэнка заявіў, што Мінск больш не будзе стрымліваць паток нелегалаў, так як з-за санкцый Захаду на гэта няма "ні грошаў, ні сіл".

І дадаў, што МЗС РФ са свайго боку рэкамендуе партнёрам у ЕС перш за ўсё наладзіць канструктыўны дыялог з беларускімі ўладамі.

Таксама ў МЗС не выключылі, што сярод нелегалаў на мяжы Беларусі і Літвы могуць быць расіяне. Але пакуль ні адно канкрэтнае імя ў Вільнюсе не назвалі, заявіў Лук’янцаў.

Паводле яго слоў, усе падобныя звароты ў ведамстве разгледзяць і вывучаць.

"Але калі такія факты пацвердзяцца, то вяртанне на тэрыторыю РФ дадзеных асоб павінна ажыццяўляцца ў поўнай адпаведнасці з пагадненнем аб рэадмісіі паміж РФ і ЕС, якое ў свой час у 2006 годзе 25 траўня была заключана", - сказаў ён.

Улады ЕС, у тым ліку і Польшчы, лічаць, што беларускі ўрад выкарыстоўвае мігрантаў як гібрыдную зброю ў адплату за уведзеныя санкцыі і падтрымку беларускай апазіцыі.

Толькі польскія пагранічнікі ў апошнія тыдні фіксуюць значнае павелічэнне патоку мігрантаў, якія спрабуюць трапіць у краіну праз мяжу з Беларуссю.

З пачатку жніўня польска-беларускую мяжу незаконна спрабавалі перасячы больш за 2 тыс чалавек. За ўвесь 2020-ы год такіх спроб было ўсяго 120.

Зараз польска-беларускую мяжу дадаткова ахоўвае каля тысячы вайскоўцаў, іх колькасць плануецца павялічыць у два разы.