ДПК распавёў аб бесчалавечных метадах выцяснення бежанцаў з Латвіі
© REUTERS / INTS KALNINS
Падпісацца
Урад Латвіі ўвёў рэжым надзвычайнай сітуацыі на мяжы з 11 жніўня па 10 лістапада, каб даць пагранічнікам паўнамоцтвы высылаць назад мігрантаў, якія прыбылі з Беларусі.
МІНСК, 28 жні – Sputnik. Пагранічнікі Латвіі прывозяць групы бежанцаў да мяжы і сілай выстаўляюць іх на тэрыторыю Беларусі. Кадры з месца насупраць участка Полацкага пагранатрада паказаў Дзяржпагранкамітэт.
З 24 па 27 жніўня такіх інцыдэнтаў беларускія пагранічнікі зафіксавалі некалькі. Па словах ведамства, групы мігрантаў прыводзяць практычна ў адкрытую.
"А затым гвалтоўнымі спосабамі, з ужываннем фізічнай сілы і службовых сабак, прымушаюць іх парушаць мяжу Беларусі. Часта проста пакідаюць людзей, у тым ліку жанчын і дзяцей, пасярод лесу без ежы і адзення. Кідаючы іх на выжыванне, яны адначасова пішуць у сваіх СМІ пра тое, што нібыта групы мігрантаў сышлі ў Беларусь", - гаворыцца ў афіцыйным Telegram-канале ДПК.
Як гэта звычайна адбываецца? Калі мігранты засталіся на лініі мяжы і іх зафіксавалі беларускія пагранічнікі, то Латвія іх забірае. Аднак замест таго, каб адвезці ў лагер для бежанцаў, латвійскія сілавікі перавозяць іх на іншы ўчастак і проста выдаляюць з краіны, сцвярджаюць у Дзяржпагранкамітэце.
Па дадзеных ДПК, латвійскі бок ігнаруе просьбы мігрантаў аб абароне, іх патрабаванні пагаварыць з прадстаўнікамі ААН і праваабаронцамі, не пускаюць СМІ і міжнародныя арганізацыі, працягваючы "хаваць злачынныя дзеянні ад грамадскасці".
Акно ў Еўропу
У апошні час Літва, Латвія і Польшча заяўляюць пра рост колькасці мігрантаў, якія жадаюць патрапіць у ЕС з тэрыторыі Беларусі.
Пра тое, што Мінск больш не будзе стрымліваць паток нелегальных мігрантаў у краіны Еўрасаюза, раней паведаміў прэзідэнт Беларусі Аляксандр Лукашэнка. Паводле яго слоў, з-за санкцый Захаду на гэта цяпер няма "ні грошаў, ні сіл".
Улады ЕС, у тым ліку і ўлады Польшчы, лічаць, што беларускі ўрад выкарыстоўвае мігрантаў як гібрыдную зброю ў адплату за уведзеныя санкцыі і падтрымку беларускай апазіцыі.
Так, польскія пагранічнікі за жнівень зафіксавалі больш за 3 тысячы спроб нелегальных мігрантаў трапіць у краіну, Латвія з 10 жніўня спыніла 645 такіх спроб, а на літоўска-беларускай мяжы з пачатку года затрыманы больш за 4 тыс нелегальных мігрантаў (у 50 разоў больш, чым за ўвесь 2020 год).
Чытайце таксама:
Міграцыйны крызіс: Польшча і краіны Балтыі абвінавацілі Беларусь у "атацы на ЕС"
Спецыяльны паліцэйскі батальён на мяжу з Беларуссю накіравала Латвія
Мігрантаў не чакаюць: Латвія абвясціла рэжым НС на мяжы з Беларуссю
Як жыве паўсталая супраць нелегалаў вёска ў Літве. Эксклюзіўны рэпартаж Sputnik
Палякі ўзвялі першыя кіламетры плота на мяжы з Беларуссю
