МІНСК, 31 жні – Sputnik. У праваслаўных, каталіцкіх і мусульманскіх храмах, а таксама ў сінагогах Беларусі напярэдадні новага навучальнага года пройдуць спецыяльныя службы, падчас якіх будуць маліцца аб школьніках, студэнтах і выкладчыках.
У гэтым годзе ўпершыню за школьныя парты сядуць больш за 118 тысяч першакласнікаў, усяго прыйдуць у школы па ўсёй краіне больш за мільён школьнікаў.
Упершыню свае месцы ў студэнцкіх аўдыторыях зоймуць амаль 55 тысяч першакурснікаў, а каледжы прымуць амаль 40 тысяч навучэнцаў.
Кожны год у галоўным праваслаўным храме краіны - Свята-Духавым кафедральным саборы - прадстаяцель БПЦ служыць спецыяльны малебен "Аб прыбаўленні розуму", які вядомы ў праваслаўі ўжо некалькі стагоддзяў. На гэтую ўрачыстую службу запрашаюцца выкладчыкі, студэнты найбуйнейшых сталічных ВНУ. Пасля службы святары дадуць наказ маладым людзям і іх выкладчыкам.
У праваслаўных ёсць нябесны заступнік студэнтаў, вучняў і выкладчыкаў - прападобны Сергій Раданежскі. Акрамя гэтага, ёсць асобны абраз Багародзіцы, названы "Прыбаўленне розуму", перад якім моляцца аб "хуткім засваенні ведаў".
Перад пачаткам навучальнага года ў касцёлах пачалі асвячаць падручнікі, школьныя прыналежнасці, ранцы. Акрамя гэтага, свяшчэннікі даюць дабраславенне на новы навучальны год школьнікам, іх бацькам, настаўнікам. У беларускіх мячэцях таксама будуць прасіць усявышняга аб паспяховым пачатку новага навучальнага года.
"Для мусульманскіх дзяцей, студэнцтва вельмі важныя стараннасць у вучобе, атрыманне ведаў, каб заняць у жыцці годнае месца. Таму мы просім Усявышняга аб дапамозе нашым дзецям і настаўнікам", - распавялі Sputnik у мусульманскай суполцы.
У адной з іудзейскіх абшчын Мінска распавялі, што ў гэтым годзе пачатак навучальнага года практычна супадае з яўрэйскім новым годам - Рош-Ашан у гэтым годзе прыпадае на 6 верасня.
"Для яўрэйскіх дзяцей заўсёды важна было добра вучыцца, таму рабіны будуць маліцца аб удалым пачатку новага навучальнага года", - сказалі ў суполцы.
Чытайце таксама:
Не ўрок, а факультатыў: у школах ўсё ж з'явяцца святары
Фотафакт: падручнік, па якім будуць вучыць духоўнасці і патрыятызму
У Беларусі зменяць правілы здачы ЦТ і зробяць больш жорсткім пераход у профільныя класы
Сасіска ў цесце па QR-коду: харчаванне ў школах па-новаму
У МУС патлумачылі, навошта ў школах паставілі турнікеты
Бацькам на заметку: плата за школьныя падручнікі падрасла
Выпускнікі школ 1 верасня пяройдуць на новую вучэбную праграму - Карпенка
Мінадукацыі расказала, у якіх школах Беларусі з'явяцца ваенрукі