МІНСК, 7 вер - Sputnik. Золатавалютныя рэзервы рэспублікі на 1 верасня склалі 8,5 мільярда долараў, паведамілі ў прэс-службе Нацыянальнага банка.
"За жнівень 2021 года золатавалютныя рэзервы павялічыліся на 1 054,3 мільёны долараў (на 14,2%) пасля росту ў ліпені на 33 мільёны долараў (на 0,4%)",- удакладняе рэгулятар.
Пры гэтым рост узроўню рэзерваў у мінулым месяцы ў прэс-службе патлумачылі тым, што былі размеркаваны спецыяльныя правы запазычання Міжнароднага валютнага фонду. У жніўні беларускія ўлады здолелі пагасіць знешнія і ўнутраныя даўгі на агульную суму каля 340 мільёнаў долараў.
Беларускія ўлады вызначылі для сябе планавы паказчык, што міжнародныя рэзервовыя актывы на 1 студзеня 2022 года павінны скласці не менш за 6 мільярдаў долараў.
Раней 23 жніўня стала вядома, што афіцыйны Минск усё ж атрымае сродкі ад МВФ, нягледзячы на заклікі апазіцыі не выдзяляць грошы ў сувязі з палітычным крызісам у рэспубліцы. Дадзеныя сродкі выдзяляюцца ўсім краінам, якія ўваходзяць у МВФ і прызначаны для пераадолення наступстваў пандэміі. У папярэдні раз яны пералічваліся ў 2009 годзе пасля фінансавага крызісу.
Чытайце таксама:
ЗВР Беларусі зменшыліся да 7,4 млрд долараў
Што тармозіць беларускую эканоміку ў ЕЭАС, і што рабіць