Стратэгічныя вучэнні стартуюць у чацвер на двух палігонах - у Беларусі ("Абуз-Лясноўскі") і "Муліна" у Расіі. На наступны дзень запланаваны пачатак актыўнай фазы манеўраў.
Усяго ў Беларусі вучэнні разгорнуцца на чатырох палігонах, у краіну прыбылі для ўдзелу ў манеўрах каля 2 500 расійскіх вайскоўцаў, ад беларускага боку задзейнічана амаль 13 тысяч вайскоўцаў. Прыбылі ў рэспубліку і 50 прадстаўнікоў Узброеных сіл Казахстана са складу КСАР АДКБ.
У манеўрах у Беларусі будзе задзейнічана каля 350 адзінак ваеннай тэхнікі, з іх 140 танкаў, каля 110 артылерыйскіх адзінак і РСЗА, а таксама 30 самалётаў і верталётаў.
Прэзідэнты дзвюх краін традыцыйна назіраюць за вучэннямі, так будзе і ў гэты раз. Завершацца манеўры 16 верасня.
Раней першы намеснік міністра абароны Рэспублікі Беларусь генерал-маёр Віктар Гулевіч паведаміў, што "Захад-2021" мае абарончы характар, і правядзенне вучэнняў не нясе ніякай пагрозы ні для еўрапейскай супольнасці ў цэлым, ні для суседніх краін у прыватнасці.
У Мінабароны Расіі раней падкрэслівалі, што "Захад-2021" не прадугледжвае канкрэтныя краіны ў якасці праціўніка. Па сцэнарыі нейкі "агрэсар" паспрабуе аказаць сілавы ціск на ўмоўную "Цэнтральную федэрацыю".
Чытайце таксама:
Пачынаюцца стратэгічныя вучэнні Беларусі і Расіі "Захад-2021"
Замежныя ваеннаслужачыя прыбылі ў Расію для ўдзелу ў вучэнні "Захад-2021"
На сваіх палігонах: Лукашэнка і Пуцін прымуць удзел у вучэннях "Захад-2021"
Расійскія вайскоўцы прыбылі ў Гродна для стварэння вучэбна-баявога цэнтра
Знішчыць тэрарыстаў: Савет бяспекі раскрыў задуму вучэнняў "Захад-2021"