МІНСК, 21 вер - Sputnik. Трэба вырашыць пытанне перадачы паўнамоцтваў прэзідэнта, не парушаючы Канстытуцыю, заявіў прэзідэнт Аляксандр Лукашэнка ў Палацы Незалежнасці ў ходзе нарады з урадам.
"Я папрашу ў Адміністрацыі прэзідэнта запланаваць праз тыдзень аналагічную нараду з Адміністрацыяй прэзідэнта. Вы карыстаецеся, напэўна, правам фарміравання часткі працоўнага графіка прэзідэнта і так тонка сыходзіце ад такіх нарад", - выказаў меркаванне Лукашэнка.
Паводле яго слоў, правядзенне нарад у прэзідэнта накладаюць адказнасць, а “па лініі Адміністрацыі прэзідэнта ў нас назапасілася вельмі шмат пытанняў: палітычных, ідэалагічных, кадравых. Тым больш хутка рэферэндум, ёсць пра што пагаварыць”.
"Таму трэба парламентарыям, і адміністрацыі, і ўраду далучыцца. Сабраць пяць-шэсць пытанняў. Трэба два паседжанні правядзем і іх разгледзець, узгадніць калі трэба. Абавязкова на гэтай нарадзе нам трэба разгледзець паўнамоцтвы прэзідэнта і перадачу (іх - Sputnik). Заглухлыпытанне, зрабілі некалькі крокаў і супакоіліся. Перадача паўнамоцтваў прэзідэнта, каб не парушаючы Канстытуцыю гэта зрабіць: перадача паўнамоцтваў ураду, мясцовым органам улады і гэтак далей", - распавёў беларускі лідар.
Змены ў Асноўны закон
Пасля чаго кіраўнік дзяржавы нагадаў, што раней дамаўляліся правесці абмеркаванне праекта Канстытуцыі. Для гэтага трэба сустрэцца з профільнай камісіяй, пасля таго, як яны скончаць у сябе абмеркаванне.
"Далей створым канкрэтную невялікую групу, якая будзе прафесійна дапрацоўваць па нашым даручэнні праект Канстытуцыі. Таму і яго трэба абмяркоўваць як далей будзем у гэтым плане працаваць", - асабліва адзначыў Лукашэнка.
На яго думку, да абмеркавання можна было вярнуцца не ў аўторак, а ў наступную пятніцу і правесці пасяджэнне Канстытуцыйнай камісіі з удзелам прэзідэнта.
"І падрыхтавацца, а не тое, што вось мы не ведаем. Некалькі паўнамоцтваў мы нейкаму органу прыляпілі: Усебеларускага сходу і гэтак далей, а далей мы не ведаем. Пойдзем да прэзідэнта. Слухайце, вы прыходзіце да мяне, толькі з прапановамі. Ну, і іншыя пытанні, якія трэба паглядзець. Я яшчэ раз падкрэсліваю, тыя якія знаходзяцца ў кампетэнцыі Адміністрацыі прэзідэнта", - падсумаваў кіраўнік дзяржавы.
Чытайце таксама:
Лукашэнка прапанаваў вырашаць жыллёвае пытанне для шматдзетных па-новаму
Што будзе з пенсіямі беларусаў
Лукашэнка: жыццё паказвае, што мы абралі правільны шлях