Лукашэнка: жыццё паказвае, што мы абралі правільны шлях

© пресс-служба президента БеларусиАляксандр Лукашэнка на нарадзе з кіраўніцтвам Савета Міністраў
Аляксандр Лукашэнка на нарадзе з кіраўніцтвам Савета Міністраў - Sputnik Беларусь, 1920, 21.09.2021
Беларускія ўлады плануюць прыняць прававыя навацыі, якія закрануць шматдзетныя сем'і, пенсійную сістэму, будаўніцтва жылля і грамадзянскія ініцыятывы.
МІНСК, 21 вер - Sputnik. Падтрымка шматдзетных - гэта сацыяльны брэнд нашай дзяржавы, яе візітная картка, заявіў беларускі лідэр у Палацы Незалежнасці ў ходзе нарады з урадам.
Паводле яго слоў, уладам рэспублікі трэба вызначыцца са зместам некалькіх праектаў указа прэзідэнта, якія будуць адчувальнымі і для беларусаў, і для казны. Таму ў ходзе абмеркавання навацый трэба знайсці баланс паміж інтарэсамі.
"Праекты падрыхтаваных дакументаў ахопліваюць вялікі блок пытанняў сацыяльнай накіраванасці. Гэта падтрымка шматдзетных сем'яў, развіццё пенсійнай сістэмы, будаўніцтва жылля, а таксама пытанні, звязаныя з рэалізацыяй грамадзянскіх і моладзевых ініцыятыў", - удакладніў Аляксандр Лукашэнка.

Сацыяльныя расходы бюджэту

Беларускі лідэр канстатаваў, што эканоміка зараз працуе па-іншаму, таму ўмовы змяніліся, але пры гэтым важна зрабіць усё, каб нараджальнасць у краіне не зніжалася.
"Маю прынцыповую пазіцыю вы ведаеце - краіна і нацыя развіваюцца, калі ў сем'ях выхоўваюцца як мінімум трое дзяцей", - нагадаў ён.
На думку кіраўніка дзяржавы, шматдзетная сям'я з'яўляецца галоўным арыенцірам у дэмаграфіі. Прычым гэта яшчэ і цяжкая адказная праца. Улады рэспублікі прыкладаюць усё магчымае, каб шматдзетная сям'я стала нормай для беларускага грамадства.
Аляксандр Лукашэнка расказаў, што дзяржава аформіла цэлы пакет мер у сацыяльнай сферы, пачынаючы з дапамогі пры нараджэнні і выхаванні дзіцяці, фінансавай дапамогі на жыллё, і заканчваючы ільготамі ў адукацыі, медыцыне, пры выплаце падаткаў і іншае.
У мінулым годзе на ўсе гэтыя пытанні выдаткавалі 4,7 рублёў (1,88 млрд долараў), а ў бягучым годзе плануецца выдаткаваць каля 5 млрд рублёў (2 млрд долараў).

Сямейны капітал працуе

"Мы можам адказна сказаць, што падтрымка шматдзетных - гэта сацыяльны брэнд нашай дзяржавы, яе візітная картка", - лічыць кіраўнік дзяржавы.
Тым больш, што, пачынаючы з 2015 года, у рэспубліцы дзейнічае праграма сямейнага капіталу, да якой звярнуліся больш за 100 тысяч шматдзетных сем'яў.
"Жыццё паказвае, мы выбралі правільны шлях. Лік шматдзетных сем'яў прырастае. За апошнія 10 гадоў - практычна ў два разы. Сёння ў краіне іх больш за 115 тысяч", - удакладніў беларускі лідэр.
Паводле яго слоў, механізмы дадзенай дзяржаўнай праграмы функцыянуюць і робяць гэта эфектыўным чынам, таму яе неабходна развіваць і далей.
Аляксандр Лукашэнка задаўся пры гэтым пытаннем, ці апраўдана рашэнне пашырыць межы датэрміновага прымянення сродкаў, налічаных як сямейны капітал.
"Размываць гэтыя грошы не трэба. А для іншых мэтаў павінны быць іншыя крыніцы. Нельга разменьваць доўгатэрміновую падтрымку на імгненныя патрэбы", - выказаў упэўненасць ён.
Чытайце таксама:
Лукашэнка заявіў, што не спалохаўся пандэміі і гібрыдных нападаў
Лукашэнка расказаў, адкуль чакае інвестыцыі і дзе трэба гандляваць анлайн
Кавуны і не толькі: падарункі ад сям'і даставіў Коля Лукашэнка ў дом-інтэрнат
Стужка навiн
0
Спачатку новыяСпачатку старыя
loader
У эфіры
Заголовок открываемого материала