ВІЦЕБСК, 25 вер – Sputnik. Многія пакупнікі скардзяцца на перабоі з пастаўкамі цукру ў Віцебскай вобласці, а прадаўцы кажуць, што пакупнікі яго проста "змятаюць" з паліц, паведамляе карэспандэнт Sputnik.
У некаторых крамах, па словах чытачоў, людзі бяруць па некалькі дзясяткаў пачкаў цукру за раз.
"Мая маці жыве ў 20 кіламетрах ад Бешанковічаў, учора ездзілі з ёй у райцэнтр, паколькі ў іх пасёлку, ні ў адной з трох крам не было цукру. У Бешанковічах таксама аб'ехалі ўсе крамы і толькі ў адной знайшлі невялікі пачак рафінаду", - распавёў карэспандэнту Sputnik віцябчанін Ілля.
Карыстальнікі сацсетак таксама паведамляюць пра перабоі з пастаўкамі гэтага прадукту ў Оршы, Полацку і некаторых іншых гарадах. У Віцебску ў некаторых крамах цукру або няма, або заканчваецца.
"У нас застаўся апошні паддон цукру, людзі хутка і па многу яго раскупляюць, ці прывязуць яшчэ і па якіх цэнах - пакуль невядома", - паведамілі ў адным з цэнтральных магазінаў горада.
У крамах нізкіх цэн, дзе цукар прадаюць на 10 капеек танней сярэднерознічнага кошту, паліцы, на якіх раней быў салодкі прадукт, пустуюць. Прычым, як распавялі карэспандэнту прадаўцы, людзі куплялі цукар адразу ўпакоўкамі.
Варта адзначыць, што ў шматлікіх віцебскіх крамах, асабліва тых, якія знаходзяцца ў спальных раёнах, цукру на паліцах хапае, але і там прадаўцы адзначаюць небывалы ажыятаж сярод пакупнікоў.
Раней кіраўнік "Белдзяржхарчпрама" адзначыў, што дэфіцыту цукру ў краіне няма. Паводле яго слоў, цяпер на складах профільных прадпрыемстваў назапашана 12,7 тысяч тон прадукцыі, у тым ліку 725 тон ужо пафасаванай для далейшага продажу аб'ектам гандлю, а адпускныя цэны на цукар не павышаліся з 2016 года.
Чытайце таксама:
Кіраўнік "Белдзяржхарчпрама": дэфіцыту цукру ў Беларусі няма
Грыбы за 150 рублёў і журавіны: восеньскія цэны на Камароўцы
Яблык разладу: чаму беларускую садавіну не знайсці на паліцах супермаркетаў
Лукашэнка ўбачыў недахопы ў рабоце канцэрна "Белдзяржхарчпрам"
Беларускія ўлады вырашылі падняць цэны на мяса і прадукты з яго