Качанава: рэферэндум па Канстытуцыі пройдзе ў канцы лютага

МІНСК, 15 кас – Sputnik. Папраўкі ў Канстытуцыю Беларусі будуць вынесены на рэферэндум у канцы лютага 2022 года, заявіла напярэдадні журналістам кіраўнік Савета Рэспублікі Наталля Качанава.

Наталля Качанава дадала, што пакуль яшчэ праект Канстытуцыі дапрацоўваецца, у бліжэйшы час яго вынесуць на ўсенароднае абмеркаванне.

Качанава выказалася і аб магчымым увядзенні супраць Беларусі пятага пакета санкцый з боку Еўрасаюза. Паводле яе слоў, гэта неправамернае ўмяшанне ў справы рэспублікі.

"Мы падпісалі не адзін заклік па звароце да міжнародных арганізацый: дайце нам спакойна жыць і развівацца самастойна, не трэба нам паказваць звонку", - падкрэсліла Качанава.

Яна дадала, што самае прыкрае ў гэтай гісторыі - гэта "несумленныя нашы суайчыннікі", якія ўцяклі і заклікаюць да санкцый супраць свайго народа з-за мяжы.

Раней старшыня Канстытуцыйнай камісіі Пётр Міклашэвіч паведаміў, што ўсяго прапанавана змяніць 53 артыкула Асноўнага закона, увесці 14 новых артыкулаў і 2 артыкула выключыць.

У ліку прапаноў - захаванне прэзідэнцкай формы кіравання і правядзенне пераразмеркавання паўнамоцтваў паміж прэзідэнтам, парламентам і ўрадам, зыходзячы з канстытуцыйных функцый.

Акрамя таго, плануецца замацаванне канстытуцыйнага статусу Усебеларускага народнага схода.

Пётр Міклашэвіч дадаў, што прапануецца ўзняць канстытуцыйны статус Цэнтральнай выбарчай камісіі і стварыць умовы для поўнай рэалізацыі выбарчых праў нашых грамадзян. Да прыкладу, узмацніць сацыяльныя гарантыі шматдзетным сем'ям, інвалідам, пенсіянерам.

Мяркуецца ўвесці новы праваабарончы інстытут - Упаўнаважанага па правах чалавека, а таксама пашырыць правы беларускіх грамадзян на непасрэдны зварот у Канстытуцыйны суд.