МІНСК, 2 ліс – Sputnik. Украіна імпартуе з Беларусі электрычнасць зімой у выпадку неспрыяльных умоў надвор'я, паведаміў прэм'ер-міністр Дзяніс Шмыгаль падчас брыфінгу ў Запарожскай вобласці.
Паводле яго слоў, у выпадку зніжэння тэмпературы паветра трэба будзе прыняць дадатковыя меры. На гэты выпадак міністэрствам энергетыкі ўжо распрацаваны план.
"Верагодна, спатрэбіцца дадатковы імпарт з Рэспублікі Беларусь, калі будуць такія ўмовы надвор'я", - канстатаваў украінскі прэм'ер.
Пасля чаго нагадаў, што забарона на імпарт беларускай электраэнергіі фактычна перастала дзейнічаць 1 лістапада, таму што рэгулятар не працягнуў яе дзеянне.
"Фізічна і юрыдычна магчымасць імпартаваць электраэнергію з Рэспублікі Беларусь ва Украіне існуе. Гэта ўжо пытанне да кампаній, да энергетычнага рынку, ці скарыстаецца ён гэтым, ці будзе ў гэтым патрэбнасць. Магчымасці такія ёсць", - падкрэсліў Дзяніс Шмыгаль.
Праўда, ён звярнуў увагу, што фізічна імпарт беларускай электрычнасці можа скласці 900 мегават, але пакуль пагадненняў на імпарт не заключана.
Раней у траўні бягучага года Нацыянальная камісія, якая ажыццяўляе дзяржаўнае рэгуляванне ў сферах энергетыкі і камунальных паслуг Украіны, забараніла імпарт расійскай і беларускай электрычнасці да канца кастрычніка 2021 года.
На мінулым тыдні стала вядома, што ўкраінская кампанія "Энергоатом" забраніравала амаль усе магутнасці міждзяржаўных ліній электраперадачы на лістапад з Беларусі, якія выкупіла на аўкцыёне ў "Укрэнерго".
У сваю чаргу старшыня камітэта Вярхоўнай Рады па пытаннях энергетыкі і ЖКП Андрэй Герус паспяшаўся паведаміць, што імпарту беларускай электрычнасці для ўкраінскіх спажыўцоў не будзе.
Чытайце таксама:
Украіна не будзе закупляць электраэнергію ў Беларусі з 1 лістапада
Украіна з 1 лістапада пачне купляць электраэнергію ў Беларусі
Людзей шкада: Лукашэнка не супраць паставак электрычнасці ў Літву і Украіну