Памёр супрацоўнік савецкага і расійскага інавяшчання Лейзар Сіган

МІНСК, 6 ліс – Sputnik. Памёр супрацоўнік савецкага і расійскага замежнага вяшчання Лейзар Сіган, яму было 98 гадоў.

Сіган прыйшоў у агенцтва ў 1945-м дыктарам, але за 70 гадоў творчага жыцця яго паслужны спісак з году ў год папаўняўся новымі прафесіямі і ўменнямі. Ён працаваў і "ў полі" карэспандэнтам, і перакладчыкам, і журналістам-міжнароднікам, і аглядальнікам... Акрамя таго, ён кіраваў аддзелам на польскай мове, які лічыўся адным з самых няпростых напрамкаў вяшчання на замежныя краіны.

Лейзар Сіган рыхтаваў вострыя матэрыялы па надзённых інфармацыйных падставах і падзеях на міжнароднай арэне. Ён вельмі добра разбіраўся ў нюансах расійска-польскіх адносін, гэта дазваляла яму глыбока аналізаваць і абагульняць тэндэнцыі развіцця адносін паміж краінамі. Акрамя таго, ён дасканала валодаў польскай мовай, што дапамагала ўстанаўліваць цесныя кантакты з аўтарытэтнымі польскімі экспертамі, палітыкамі і палітолагамі.

Сярод тэм, у якіх Сіган па праве лічыўся экспертам, – "Пашырэнне НАТА на Усход", "Нарастанне ксенафобскіх настрояў у Польшчы", "Адносіны Польшчы з Украінай", "Крушэнне польскага самалёта пад Смаленскам". А таксама шматлікія гістарычныя тэмы, звязаныя са спрэчнымі старонкамі расійскай і польскай гісторыі – Катынскай трагедыяй, Пактам Молатава-Рыбентропа, Валынскай разнёй.

Сіган шмат сіл і ведаў аддаў захаванню і прымнажэнню лепшых традыцый інавяшчання. Ён выхаваў не адно пакаленне журналістаў-міжнароднікаў, вядомых не толькі ў Расіі, але і за яе межамі.

Лейзар Шулімавіч – "Заслуженный работник культуры РСФСР", ён узнагароджаны ордэнам "Знак почета", медалём ордэна "За заслуги перед Отечеством" II ступені, медалямі: "За доблестный труд в Великой Отечественной войне 1941-1945 гг.", "50 лет Победы в Великой Отечественной войне 1941-1945 гг.", "В память 850-летия Москвы".