МІНСК, 14 ліс — Sputnik. Участак 1-га транспартнага кальца, які будуецца, плануюць адкрыць у канцы чэрвеня — у першых чыслах ліпеня 2022 года, паведаміў першы намеснік старшыні Мінгарвыканкама Дзмітрый Мікулёнак.
Паводле яго слоў, цяпер на гэтым участку ідзе мантаж новага чыгуначнага пуцеправода, а цягнікі пакуль ходзяць па часовым збудаванні.
"Падключэнне да камунікацый новага пуцеправода будзе выконвацца ў сакавіку-красавіку, калі чыгунка дасць неабходнае "акно", - цытуе спецыяліста агенцтва "Мінск-Навіны".
Дзмітрый Мікулёнак расказаў, што пасля завяршэння работ у гэтай частцы і запуску руху цягнікоў на пастаяннай аснове будаўнікам застанецца толькі закончыць у траўні-чэрвені ўсе работы.
Пакуль будавалася першае транспартнае кальцо, у беларускай сталіцы паспелі ўжо ўзвесці эстакаду для левага павароту з вуліцы Маскоўскай на кальцо для руху ў бок праспекта Дзяржынскага. Паспяхова была праведзена рэканструкцыя ўчастка дарогі па вуліцы Талстога.
Чытайце таксама:
Забудова Тарасава: жыхары прэстыжнай вёскі не жадаюць станавіцца горадам
Фабрыка і дом пад знос: праекціроўшчыкі распавялі пра новыя станцыі метро