МІНСК, 16 ліс – Sputnik. Бежанцы, якія больш за тыдзень жывуць на беларуска-польскай мяжы, пачалі звяртацца да беларускіх медыкаў са скаргамі на кашаль і чханне, сярод тых, што застудзіліся, ёсць дзеці, паведаміла прадстаўнік гродзенскага пагранічнага атрада Надзея Масевіч.
Некалькі тысяч бежанцаў, у асноўным курдаў, 8 лістапада прыйшлі да мяжы Беларусі з Польшчай. Яны размясціліся перад польскімі загародамі. Сярод бежанцаў шмат жанчын і дзяцей. Польскія сілавікі іх не прапускаюць на сваю тэрыторыю.
"Бежанцы звярталіся да беларускіх урачоў. Часцей за ўсё скардзяцца на кашаль і чханне. Было некалькі зваротаў з сімптомамі прастуды. Акрамя дарослых, ёсць праблемы і ў дзяцей. Дапамогу ўсім аказваюць урачы, якія знаходзяцца на месцы", - сказала Масевіч.
Напярэдадні мігранты пакінулі палатачны лагер у лесе і размясціліся непасрэдна перад пунктам пропуску "Брузгі".
Што адбываецца на мяжы
На мяжы Беларусі і Польшчы знаходзяцца некалькі тысяч мігрантаў у надзеі патрапіць у краіны ЕС. Польскія ўлады ўзмацнілі ахову межаў, сцягнулі вайскоўцаў і спыняюць спробы нелегалаў пракрасціся на тэрыторыю краіны, абвінавачваючы Мінск у міграцыйным крызісе.
Усе гэтыя абвінавачанні Беларусь абвяргае, заяўляючы, што Польшча гвалтоўна выдварвае мігрантаў.
Чытайце таксама:
Лукашэнка і Меркель паразмаўлялі па тэлефоне
Лукашэнка аб сітуацыі на мяжы: Польшчы гэты канфлікт сёння патрэбен
Польшча адгародзіцца ад Беларусі капітальнай сцяной