Лукашэнка аб сітуацыі на мяжы: Польшчы гэты канфлікт сёння патрэбен
© Photo : пресс-служба президента Беларуси
Падпісацца
У апошнія тыдні на беларуска-польскай мяжы разгортваецца міграцыйны крызіс з-за наплыву жыхароў блізкаўсходніх дзяржаў, якія імкнуцца патрапіць у ЕС.
МІНСК, 15 ліс – Sputnik. Беларусь не хоча ніякага канфлікту на граніцы, заявіў кіраўнік дзяржавы ў Палацы Незалежнасці ў ходзе нарады з членамі рабочай групы па змяненні Асноўнага закона.
"Правільна робяць высновы нашы журналісты і іншыя, што Польшчы гэты канфлікт сёння патрэбны. Унутраныя праблемы, праблем з Еўрапейскім саюзам больш чым дастаткова - і пачынаецца гэтая таўкатня і ўжо стральба на дзяржаўнай мяжы", - ацаніў тое, што адбываецца, Аляксандр Лукашэнка.
Паводле яго слоў, беларускія ўлады не хочуць ніякіх канфліктаў на ўласнай мяжы, таму што - "гэта для нас абсалютна ўшчэрбна".
"Беларусь вінаватая"
Кіраўнік дзяржавы запэўніў, што нікому не трэба, каб мігранты хадзілі па вуліцах беларускіх гарадоў і напружвалі мясцовых жыхароў. У тым ліку і на мяжы, дзе ва ўзмоцненым рэжыме нясуць службу пагранічнікі.
Беларускія ўлады арганізавалі ахову лагера мігрантаў паблізу мяжы з Польшчай, дзе зараз ужо размяшчаюцца некалькі тысяч людзей.
"Мы ж яго вымушаны ахоўваць, каб туды зброю не падкінулі. Я ўжо колькі разоў аб гэтым гаварыў, але прадаўжаюцца гэтыя папрокі", - паскардзіўся Аляксандр Лукашэнка.
"Ясна, што абвастраецца абстаноўка на дзяржмяжы, і ясна, з якім прыцэлам. Мы ж гэта выдатна разумеем. Нездарма ж яны праз коску: "Лукашэнка вінаваты", следам - Пуцін, "Беларусь вінаватая", следам - Расія вінаватая. Ясна, што гэта накіравана на эскалацыю напружанасці", - лічыць беларускі лідар.
Пасля чаго звярнуў увагу, што абмеркаваў гэтае пытанне па тэлефоне з прэзідэнтам Расіі. Становішча, па яго меркаванні, абвастраюць амерыканцы і НАТА.
Гуманітарная дапамога
Пасля чаго папярэдзіў адміністрацыю прэзідэнта, каб яна больш эфектыўна рэагавала на падзеі, якія адбываюцца ў рэспубліцы, каб беларусы разумелі, што здарылася.
"А тое, я гляджу, нас ужо абвінавачваюць (асабліва палякі), што мы блакіруем гуманітарную дапамогу і не аказваем яе бежанцам, якія сканцэнтраваны на дзяржаўнай мяжы", - паскардзіўся беларускі лідар.
На думку Аляксандра Лукашэнкі, такія абвінавачанні ў адрас беларускіх улад выглядаюць дзіўна, таму што ён даручыў даставіць гуманітарную дапамогу для людзей на беларуска-польскай мяжы.
"Я займаўся гэтым пытаннем усе выхадныя. І ўсе пытанні, якія мною былі даручаны, вырашаны. Мы і дзетак кормім, і цяжарных жанчын. І дровы падвозім, усё, што ім неабходна", - запэўніў ён.
Вяртацца не хочуць
Мігранты зараз на беларуска-польскай мяжы не хочуць вяртацца да сябе дамоў, заявіў кіраўнік дзяржавы. Паводле яго слоў, беларускія ўлады прыкладаюць усе намаганні, каб бежанцы сабіраліся на мяжы. Афіцыйны Мінск гатовы адправіць усіх, хто раздумаў ехаць у ЕС, назад дадому.
"Мы гатовы, як гэта звычайна рабілі, пасадзіць усіх у самалёты, у тым ліку і "Белавія", якія адвязуць іх назад дадому. Але гэта людзі, трэба сказаць, вельмі ўпартыя: ніхто вяртацца не хоча", - цытуе Аляксандра Лукашэнку БелТА.
Пры гэтым ён канстатаваў, што людзям няма куды вяртацца, там няма жылля і няма чым карміць дзяцей, некаторыя проста баяцца за сваё жыццё.
"Я хачу, каб і вы разумелі: ідзе вельмі актыўная работа ў тым напрамку, каб угаварыць людзей - калі ласка, вярніцеся дадому. Але ніхто вяртацца не хоча", - запэўніў беларускі лідар.
Прэзідэнт таксама згадаў і аб нядаўняй прапанове мюнхенскіх улад прыняць бежанцаў, якія знаходзяцца на беларуска-польскай мяжы. Напярэдадні міністэрства замежных спраў Германіі распаўсюдзіла абвяржэнне гэтай інфармацыі, назваўшы паведамленні аб аўтобусах для мігрантаў ілжывымі. Аляксандр Лукашэнка звярнуў увагу, што дзве-тры тысячы мігрантаў - гэта не праблема для Еўрасаюза.
"Калі палякі не даюць гуманітарнага калідора, перашкаджаюць гэтаму, мы можам "Белавія" вывезці іх у Мюнхен. Што за праблема?" - сказаў ён.
Кіраўнік дзяржавы прапанаваў выдзеліць гуманітарны калідор праз польскую тэрыторыю, каб вывезці ў Германію мігрантаў або самалётамі даставіць у Мюнхен.
Беларусь супраць нелегалаў
"Папрокі ў тым, што мы патураем гэтаму (міграцыйнаму крызісу - Sputnik), - гэта глупства поўнае", - запэўніў беларускі лідар.
Пасля чаго дадаў, што толькі за апошні час Беларусь забараніла ўезд на сваю тэрыторыю некалькім тысячам нелегалаў, што лёгка праверыць.
"Калі немцы або амерыканцы хочуць упэўніцца ў гэтым, калі ласка, у аэрапорце кожны чалавек на рахунку", - прапанаваў Аляксандр Лукашэнка.
15 лістапада 2021, 09:24
Таксама на Sputnik:
Спачатку - накарміць: Лукашэнка даў даручэнне дапамагчы бежанцам на мяжы
Ніякіх аўтобусаў не будзе: МЗС Германіі абвергла вываз мігрантаў з мяжы
Польшча абмяркоўвае з Літвой і Латвіяй магчымасць склікання Савета НАТА
Пуцін: РФ гатова дапамагчы ўрэгуляваць крызіс на мяжы Польшчы і Беларусі
Барацьба за ежу і за жыццё: мігранты з лагера на мяжы просяць аб дапамозе
Жыццё ў лагеры каля мяжы - дзень пяты (відэа)
Сітуацыя на мяжы застаецца напружанай, бежанцы прыбываюць – ДПК
МЗС РФ – аб магчымых санкцыях супраць "Аэрофлота" з-за сітуацыі з мігрантамі
ЕС мае намер увесці санкцыі супраць авіякампаній краін, з якіх едуць мігранты
