МІНСК, 25 ліс – Sputnik. Больш за тры тысячы велікагрузных аўтамабіляў стаяць у чарзе на выезд з Беларусі ў бок Еўрасаюза, такія дадзеныя прыведзены раніцай у чацвер на сайце Дзяржаўнага пагранічнага камітэта Беларусі.
Усяго ў пагранічных пунктах пропуску на літоўскай, латвійскай і польскай межах знаходзіцца больш як тры тысячы фур. Самы загружаны – літоўскі кірунак, дзе сабралася амаль 1900 велікагрузных аўтамабіляў.
Лідзіруюць тры пункты пропуску - Каменны Лог (480), "Беняконі" (450) і "Прывалка" (450).
На польскім напрамку чэргі з фур ёсць у двух з шасці пунктаў пропуску: у "Бераставіцы" затрымаліся 380 велікагрузаў, у "Казловічах" 350.
На Латвію ўсяго чакаюць выезду 460 дальнабойшчыкаў - практычна пароўну ва "Урбанах" і ў "Грыгароўшчыне".
На Украіну ўвогуле няма чэрг у пагранічных пунктах пропуску.
Нагадаем, што адзін з пунктаў пропуску на беларуска-польскай мяжы - "Кузніца" (з беларускага боку "Брузгі") 9 лістапада ў аднабаковым парадку спыніў афармленне асоб і транспартных сродкаў. Такое рашэнне было прынята пагранведамствам Польшчы у сувязі з міграцыйным крызісам на мяжы. Праз два тыдні пасля гэтага чэргі на ўезд у ЕС на астатніх пунктах пропуску выраслі ў два разы. На некаторых напрамках, каб трапіць у Еўропу вадзіцелям-дальнабойшчыкам даводзіцца стаяць у чарзе па 6-7 дзён.
Як растлумачылі ў беларускім Дзяржпагранкамітэце, закрыццё пункта пропуску "Кузніца-Брузгі" скараціла на трэць прапускную здольнасць фур на гэтым напрамку.
Чытайце таксама:
Польшча не хоча ўводзіць новыя санкцыі супраць Беларусі
Польшча пакуль не збіраецца адкрываць пункт пропуску "Кузніца"
ДПК Беларусі: чарга з расійскіх фур у Баброўніках - гэта віна палякаў
Чарга на 12 км: польскія пункты пропуску не паспяваюць афармляць фуры
Польшча гатова закрыць межы з Беларуссю – Маравецкі