МІНСК, 26 ліс – Sputnik. Міністэрства абароны Беларусі заявіла аб узмацненні ваеннай актыўнасці краін Захаду каля беларускай дзяржмяжы.
"Разам з раней агучанымі недружалюбнымі крокамі па разгортванні войск і інфраструктуры, якія даюць магчымасць у кароткія тэрміны значна нарасціць баявы склад і стварыць групоўкі, мы адзначаем далейшыя дзеянні нашых суседзяў, накіраваныя на эскалацыю абстаноўкі", - цытуе начальніка галоўнага ўпраўлення ідэалагічнай работы Мінабароны Беларусі Леаніда Касінскага прэс-служба ведамства.
У прыватнасці, адзначаецца прыбыццё вайскоўцаў Эстоніі, у задачы якіх будуць уваходзіць і мерапрыемствы па падрыхтоўцы ракадных дарог (ракада - чыгунка, шашэйная або грунтавая дарога ў прыфрантавой паласе, якая праходзіць паралельна лініі фронту - Sputnik).
Касінскі выказаў здзіўленне наконт таго, як можа быць звязаны міграцыйны крызіс з падобнымі інжынернымі мерапрыемствамі. "Гаворачы ваеннымі тэрмінамі, гэтыя мерапрыемствы ўваходзяць у пералік мерапрыемстваў своечасовай падрыхтоўкі да вядзення баявых дзеянняў і прызначаны для ажыццяўлення паскоранай перакідкі войск уздоўж дзяржаўнай мяжы Рэспублікі Беларусь", - сказаў прадстаўнік Мінабароны.
Паводле яго ацэнак, на літоўскім напрамку засяроджана каля чатырох тысяч вайскоўцаў. На ўкраінскай - паўднёвыя суседзі праводзяць спецаперацыю "Палессе" і рыхтуюцца да пазапланавых збораў з вайскоўцамі запасу.
Таксама працягваецца актыўнасць авіяцыі НАТА: на гэтым тыдні былі заўважаны самалёты радыёэлектроннай разведкі, разведкі наземных цэлей тыпу "Джыстарс" ВПС ЗША, а таксама разведвальна-ўдарныя беспілотнікі. Палёты праводзяцца на мінімальнай адлегласці ад дзяржмяжы ў межах 20-35 км.
У сувязі з гэтым, паводле слоў Касінскага, ваенным ведамствам рэспублікі прынята рашэнне аб сумесным патруляванні паветранай прасторы змешанымі тактычнымі групамі самалётаў СУ-30СМ РФ і Беларусі, каб не дапусціць парушэнняў дзяржаўнай мяжы.
Начальнік упраўлення падкрэсліў, што ўзмацненне мерапрыемстваў па разведцы адбываецца ў планавым рэжыме ў рамках паўсядзённай дзейнасці. "Створаная сістэма рэагавання на такія выклікі дае магчымасць нам у найкарацейшыя тэрміны, пры неабходнасці, стварыць групоўкі войскаў на любым напрамку. Як самастойна, так і сумесна са стратэгічным саюзнікам - Расійскай Федэрацыяй", - рэзюміраваў Касінскі.
Чытайце таксама:
Лукашэнка: ЗША на фоне крызісу з мігрантамі хочуць развязаць вайну
Польшча не хоча ўводзіць новыя санкцыі супраць Беларусі
Мінабароны фіксуе павелічэнне палётаў авіяцыі НАТА ўздоўж мяжы Беларусі
Мігранты паспрабавалі прайсці ў Польшчу – сілавікі адкрылі стральбу
Украіна праводзіць спецаперацыю на мяжы з Беларуссю з-за мігрантаў
Польшча гатова закрыць межы з Беларуссю – Маравецкі
Качыньскі заявіў, што не верыць у вайну з Беларуссю з-за міграцыйнага крызісу