На сустрэчу з бежанцамі прыехаў Мікалай Лукашэнка

МІНСК, 26 ліс – Sputnik. Прэзідэнт Беларусі Аляксандр Лукашэнка прыехаў у лагер мігрантаў на беларуска-польскай мяжы разам з малодшым сынам Мікалаем, яго сфатаграфаваў карэспандэнт Sputnik.

Характэрна, што гэта першае з'яўленне на публіцы Мікалая Лукашэнкі пасля доўгага перапынку. Юнак трапляў у поле зроку журналістаў толькі ў гульнях за хакейную зборную прэзідэнта.

Апошняе прыкметнае з'яўленне Мікалая на публіцы адбылося 1 верасня, калі ён разам тады са старшынёй хакейнай федэрацыі Дзмітрыем Баскавым і прэс-сакратаром прэзідэнта Наталляй Эйсмант наведаў мінскі дом-інтэрнат.

Пастаяльцам тады прывезлі 2,7 тоны кавуноў і іншую прадукцыю з гаспадаркі беларускага лідара, а таксама 570 слоічкаў мёду і варэння з Александрыі. Таксама адбылася бяседа і чаяпіцце з жыхарамі дома-інтэрната.

Мікалай Лукашэнка патлумачыў, што раней не ўдалося сустрэцца ў такім фармаце з-за пандэміі COVID-19.

Дастаткова актыўнае публічнае жыццё ў Мікалая Лукашэнкі было мінулым летам.

Малодшы сын ездзіў з бацькам у Брэст і паўдзельнічаў у цырымоніі з нагоды 80-годдзя пачатку Вялікай Айчыннай вайны.

3 ліпеня самы вядомы ў Беларусі 11-класнік наведаў Курган Славы, дзе вышэйшае кіраўніцтва краіны ўсклала вянкі да падножжа манумента.

9 жніўня Коля быў заўважаны і на "Вялікай размове" Аляксандра Лукашэнкі ў Палацы Незалежнасці. Ён слухаў бацьку ў апошнім радзе ў кампаніі памочніка кіраўніка дзяржавы Мікалая Латышэнкі.

Таксама Мікалай уваходзіў у дэлегацыю, якая наведала прадпрыемства "БелВітуніфарм" у Віцебскім раёне, дзе плануюць выпускаць беларускую вакцыну ад каронавіруса.

Упершыню малодшы сын прэзідэнта з'явіўся на публіцы ў красавіку 2008-га, калі разам з бацькам трохгадовы хлопчык наведаў суботнік на будпляцоўцы стадыёна "Мінск-Арэна". З таго часу Коля знаходзіцца пад пільным позіркам журналістаў і грамадскасці.

Аляксандр Лукашэнка ўвесь час браў сына ў міжнародныя паездкі.

Пасталеўшы, Мікалай Лукашэнка набыў папулярнасць сярод дзяўчат, у тым ліку ў расійскіх аднагодак - пасля ўдзелу ў парадзе Перамогі ў Маскве 24 чэрвеня 2020 года.

Дзяўчаты пачалі прызнавацца ў сімпатыях і рабіць характэрныя для сацсетак ролікі з новым "крашам" (аб'ектам кахання - Sputnik) і ствараць фанацкія акаўнты.