МІНСК, 2 сне - Sputnik. Датэрміновыя выбары прэзідэнта Беларусі могуць адбыцца пасля прыняцця абноўленай Канстытуцыі, заявіў кіраўнік дзяржавы Аляксандр Лукашэнка ў інтэрв'ю гендырэктару МІА "Россия сегодня" Дзмітрыю Кісялёву.
"Яны могуць максімум адбыцца ў тэрмін, але, магчыма, будуць і датэрміновыя выбары... На падставе, што прэзідэнт так вырашыць, або ў пераходных палажэннях Канстытуцыі будуць замацаваны іншыя тэрміны выбараў", - растлумачыў ён.
Лукашэнка пры гэтым усумніўся, што выбары новага прэзідэнта пройдуць ужо летам 2022 года.
"Не. Не, гэта будзе бачна. Нам да прэзідэнцкіх выбараў тры гады прыкладна, чатыры", - заўважыў Лукашэнка.
Паводле яго слоў, пасля прыняцця Канстытуцыі на рэферэндуме павінны спачатку прайсці выбары ўсіх органаў улады, у тым ліку ВНС. Згодна з календаром на сайце ЦВК Беларусі, наступныя выбары прэзідэнта краіны павінны прайсці не пазней за 20 ліпеня 2025 года.
Залежыць ад сітуацыі ў краіне
Аляксандр Лукашэнка таксама адказаў на пытанне, ці будзе ён удзельнічаць у наступных прэзідэнцкіх выбарах.
"Не ведаю. Шчыра, не ведаю", - заявіў Лукашэнка, удакладніўшы, што на яго рашэнне будзе ўплываць сітуацыя ў краіне.
Ён растлумачыў, што не трымае нейкай інтрыгі наконт наступных выбараў.
"Стваральнік" беларускай дзяржавы
Таксама прэзідэнт сказаў, што дакладна не збіраецца сыходзіць з вялікай палітыкі, нават калі не будзе ўдзельнічаць у выбарах.
Адказваючы на пытанне, як ён хацеў бы ўвайсці ў гісторыю, беларускі лідэр паведаміў, што не думаў пра гэта.
"Шчыра табе, я клянуся! Я пра гэта не думаю, таму што я не збіраюся адыходзіць ад той вялікай палітыкі, якая сёння ў нас з табой перад вачыма, на жаль, цяжкая", - канстатаваў ён.
Паводле слоў Лукашэнкі, ён хоча быць "стваральнікам гэтай дзяржавы".
Чытайце таксама:
Лукашэнка ацаніў магчымасць стварэння адзінай валюты з Расіяй
"Забярыце іх сабе": Лукашэнка заклікаў ЕС адкрыць "гуманітарны калідор"
Лаўроў: заява Лукашэнкі аб ядзернай зброі – перасцярога Захаду