Пуцін назваў найлепшы спосаб адказу на санкцыі

МІНСК, 8 сне- Sputnik. Глабальным адказам на санкцыі Захаду стане павышэнне суверэнітэту, лічыць прэзідэнт Расіі Уладзімір Пуцін.

"Глабальна трэба, вядома, павышаць суверэнітэт. Дарэчы, мы найбуйнейшыя пастаўшчыкі энергарэсурсаў на сусветны рынак, але абсталяванне, звязанае з нафтаздабычай, у значнай ступені набываецца па імпарце", – сказаў прэзідэнт РФ на сустрэчы з маладымі навукоўцамі.

Ён зазначыў, што расійскія вытворцы маглі і раней наладзіць імпартазамяшчэнне, але не звярталі на гэту праблему ўвагі.

"Таму што нам у галаву не прыходзіла, што можа так складвацца сітуацыя, як яна складваецца сёння (санкцыйны ціск - Sputnik)", - падкрэсліў расійскі лідэр.

Пуцін таксама ўдакладніў, што ўрад Расіі затраціў немалыя сродкі на імпартазамяшчэнне і дабіўся такім чынам добрага выніку.

У ходзе размовы з маладымі вучонымі кіраўнік расійскай дзяржавы заявіў, што санкцыі ў дачыненні да Расіі прымаюцца часта без бачных прычын.

Паводле яго слоў, палітычныя сілы ў Злучаных Штатах нібыта спаборнічаюць паміж сабой у антырасійскім настроі.

Уладзімір Пуцін адзначыў, што Захад пачаў праводзіць палітыку стрымлівання з-за таго, што бачыць у Расіі канкурэнта.

Кіраўнік дзяржавы дадаў, што нічога добрага ў такой сітуацыі няма.

"Я не бачу, як яны (краіны Захаду - Sputnik) могуць выйсці з гэтага вітка, хоць, вядома, ім давядзецца гэта зрабіць. Проста давядзецца - у сілу своеасаблівага развіцця сітуацыі ў свеце", - лічыць Пуцін.