МІНСК, 14 сне – Sputnik. Урад Літвы можа пайсці ў адстаўку з-за няспыненага транзіту беларускіх удабрэнняў, такі варыянт развіцця падзей літоўскаму прэм'еру Інгрыдзе Шыманітэ ўяўляецца цалкам верагодным.
"Калі ўзнікае так шмат пытанняў наконт дзейнасці ўрада, то, магчыма, ураду, калі ён не здольны адказаць на гэтыя пытанні, варта спыніць дзеянне свайго мандата, і нейкі іншы ўрад мог бы прадоўжыць гэту работу з нуля", - заявіла Шыманітэ у эфіры нацыянальнага канала LRT.
Прэм'ер дадала, што рашэнне аб будучыні ўрада будзе прымацца з пункту гледжання "ацэнкі ўласнай здольнасці бараніць доўгатэрміновыя інтарэсы дзяржавы".
Транзіт разладу
Раней ЗША ўвялі чарговы пакет санкцый у дачыненні да Беларусі, у які была ўключана кампанія "Беларуськалій". Паводле паведамлення казначэйства ЗША, новыя рэстрыкцыі ў дачыненні да Мінска загадваюць контрагентам згарнуць аперацыі з кампаніяй "Беларуськалій" у тэрмін да 8 снежня.
Аднак "Літоўскія чыгункі" працягнулі транзіт беларускай прадукцыі, паколькі за яго была атрымана перадаплата. Гэта прывяло да скандалу ў Літве, а кіраўнік МЗС Габрыэлюс Ландсбергіс і міністр транспарту Марус Скуодзіс падалі ў адстаўку.
Каменціруючы сітуацыю, прэзідэнт Літвы Гітанас Наўседа адзначыў, што выпадак з "Беларуськаліем" нанёс урон рэпутацыі краіны.
На мінулым тыдні стала вядома, што Літва спрабуе вярнуць Беларусі сродкі, якія былі выплачаны ў якасці авансу за транзіт беларускіх калійных удабрэнняў. Кіраўнік АТ "Літоўскія чыгункі" Мантас Дубаўскас заявіў, што стаіць задача вярнуць беларускаму боку авансавыя плацяжы, якія былі зроблены за два першыя месяцы 2022 года.
Удакладняецца, што перадаплата за транзіт удабрэнняў ААТ "Беларуськалій" склала каля дзесяці мільёнаў еўра.
Таксама на Sputnik:
Прэм'ер Беларусі аб калійным транзіце, грузавым флоце і агульным рынку газу з РФ
Паведамлення ад Літвы аб прыпыненні транзіту калія не было – Мінтранс
Што чакае экспарт "Беларускалія"? Меркаванне эканаміста
Экспарт беларускіх удабрэнняў праз Літву спыніцца ў снежні - Мінтранс краіны
МЗС Літвы: экспарт беларускіх калійных удабрэнняў можа быць спынены
Субоцін распавёў, куды могуць перанакіраваць экспарт калійных удабрэнняў
Цяпер даражэй: Беларусь дамовілася з Індыяй пра цэны на калійныя ўдабрэнні