Тавараў з дзяржаўным рэгуляваннем цэн стане менш

МІНСК, 16 сне - Sputnik. Беларускія ўлады прынялі рашэнне скараціць колькасць катэгорый тавараў, цэны на якія рэгулююцца дзяржавай, але ФПБ будзе па-ранейшаму кантраляваць цэны, аб гэтым заявіў намеснік старшыні Федэрацыі прафсаюзаў Беларусі Уладзімір Пазнякоў.

Як вынікае з тэлесюжэту навін у эфіры АНТ, у 100-ю пастанову ўрада па стрымліванні цэн на сацыяльна значныя тавары ўнесены змяненні - з гэтага пераліку выключана амаль 50 працэнтаў пазіцый.

Раней у спісе было амаль 60 найменняў, а зараз - менш за 30.

Зняты абмежаванні на прадукты так званай першай неабходнасці - некаторыя крупы, гародніну, каўбасы, рыбу.

Па ягоных словах, пасля таго як кошты апусцілі, яны могуць узляцець - тым больш перад святамі, у прыватнасці, Новым годам, таму КДК І ФПБ будзе арганізоўваць рэйды па крамах.

"МАРГ прыняў рашэнне, што мы будзем праводзіць сумесныя рэйды ў складзе рабочых груп, маніторыць гэтыя таварныя пазіцыі для таго, каб не дапусціць неабгрунтаваны спекулятыўны рост цэн", - сказаў намеснік старшыні ФПБ.

Пра тое, што цэны на некаторыя сацыяльна значныя прадукты растуць, асабліва ў сталіцы, адзначыла і загадчык аддзела сацпартнёрства і працоўных адносін Мінскага гарадскога аб'яднання прафсаюзаў Алеся Арцюшына.

"З месяца ў месяц прадукты пачынаюць паволі расці", – сказала яна.

Па словах Арцюшынай, асабліва адбівалася гэта ў адыходзячым годзе на сельскагаспадарчай прадукцыі, таксама пачаўся рост цэнт на некаторыя віды круп.

У ФПБ таксама паведамілі, што ў лістападзе цэны на малочныя прадукты, масла, муку, рыбу, цукар і яйкі засталіся практычна на тым жа ўзроўні.

Раней эканамічны аналітык Аляксандр Казлоў выказаў меркаванне, што з-за санкцыйных войнаў тавары могуць падаражэць да 40 працэнтаў.