МІНСК, 20 сне – Sputnik. Больш за мільён беларусаў аплацілі транспартны падатак, агульная сума налічэння склала 42 млн рублёў, заявіў кіраўнік МПЗ Сяргей Налівайка.
Ён растлумачыў, што ў цэлым транспартны падатак павінны будуць аплаціць 2,2 мільёна аўтаўладальнікаў. Аднак улічваючы, што ў гэтым годзе аплачваецца толькі аванс (29 рублёў), паведамленне прыйшло да 1,3 млн плацельшчыкаў.
"Астатнія 900 тысяч - гэта або льготнікі, або тыя, хто выплачваў дзяржпошліну (якая існавала да транспартнага падатку - Sputnik) на 2021 год. Агульная сума налічэння авансу ў нас складае 42 мільёны рублёў, яшчэ застаецца неаплачанай невялікая сума, якую або па забыўчывасці, або па нейкіх можа быць матэрыяльных цяжкасцях людзі не аплацілі", - сказаў міністр у эфіры "Беларусь 1".
Што будзе, калі не заплаціць?
Раней прадстаўнік МПЗ Андрэй Кавалеўскі тлумачыў, што нявыплата любога падатку, у тым ліку і транспартнага, цягне налічэнне пені. Яе памер залежыць ад стаўкі рэфінансавання Нацбанка - 9,25% на сённяшні дзень.
Акрамя таго, пагражае і адміністрацыйная адказнасць - гэта штраф у памеры 15% нявыплачанага падатку.
Падатак на кватэру
Таксама Сяргей Налівайка расказаў пра падатак на кватэру, які плануецца ўвесці ў 2022 годзе.
Паводле яго слоў, гэта будзе адмена льготы для ўладальнікаў кватэр, якія раней не выплачвалі гэты від падаткаабкладання.
"Па нашых ацэнках, а гэта таксама будзе авансавы плацёж, мы дадаткова атрымаем каля 45 мільёнаў рублёў у бюджэт", – удакладніў фінансавае пытанне міністр.
Нагадаем, раней паведамлялася, што Мінфін устанавіў графік для выплаты падаткаў на нерухомасць:
не пазней за 15 лістапада 2022 года трэба ўнесці першую авансавую частку - 50% ад налічэння;
не пазней за 15 лістапада 2023 года - астатнюю частку.
Сума будзе налічвацца зыходзячы з агульнай плошчы жылля, падатковая стаўка - 0,1%. Сам падатак будзе ў кожнага розным - у залежнасці ад горада і плошчы кватэры. Налічацца ён будзе штогод.
Чытайце таксама:
У МПЗ растлумачылі нюансы выплаты транспартнага падатку
Электрамабілі вызвалілі ад транспартнага падатку да канца 2025 года
Названа сума падатку, якую будуць плаціць уладальнікі кватэр
Лукашэнка назваў мізэрным падатак на кватэры
Мінфін растлумачыў, каго вызваляць ад "падатку на кватэру"