МІНСК, 21 сне – Sputnik. Аляксандр Лукашэнка прыняў рашэнне прызначыць Івана Крупко старшынёй Гомельскага абласнога выканаўчага камітэта, паведамілі ў прэс-службе кіраўніка дзяржавы.
Як адзначыў прэзідэнт Беларусі, ён прадставіць актыву гомельшчыны новага старшыню Гомельскага абласнога камітэта заўтра.
"Пра вас, Іван Іванавіч, заўтра мы будзем гаварыць вельмі многа", - заявіў Аляксандр Лукашэнка ў Палацы Незалежнасці.
Адпаведна новы кіраўнік вобласці растлумачыў журналістам, што "заўтра плануецца сустрэча з актывам. Частка задач была пастаўлена сёння, а больш шырока, шырока яны будуць пастаўлены перада мной і актывам Гомельскай вобласці".
У фокусе аграрны комплекс
Паводле слоў новага кіраўніка Гомельскай вобласці, у цэнтры яго ўвагі будуць праблемы аграпрамысловага комплексу, дзе патрэбна навядзенне парадку. Гэта запатрабуе ўдасканаленне тэхналогій і аб'яднання каманды аднадумцаў, каб дасягнуць пастаўленых задач.
Іван Крупко адзначыў, што яму неабходна "разабрацца ў тых перспектыўных праектах, якія рэалізуюцца ў прамысловасці. Праекты, якія неабходны жыхарам вобласці і краіне, будуць рэалізоўвацца і ў далейшым".
Раней Іван Крупко ўзначальваў міністэрства сельскай гаспадаркі і харчавання. На пасаду кіраўніка Мінсельгасхарча ён быў прызначаны ў траўні 2020 года, да гэтага ён менш за год прапрацаваў у Мінскім райвыканкаме.
Што вядома аб новым кіраўніку Гомельшчыны
Іван Крупко нарадзіўся ў 1974 годзе ў вёсцы Бурлевічы Карэліцкага раёна. За плячыма ў яго дыплом Гродзенскага дзяржаўнага сельскагаспадарчага інстытута. Сваю працоўную і чыноўніцкую кар'еру ён пачынаў у 1998 годзе ў якасці галоўнага заатэхніка калгаса "Рассвет" у Нясвіжскім раёне.
Менавіта на нясвіжскі перыяд прыпадаюць самыя значныя этапы яго кар'еры: з 2003 года ён працаваў у райвыканкаме начальнікам аддзела па арганізацыі вытворчасці і перапрацоўцы прадукцыі ўпраўлення сельскай гаспадаркі і харчавання, з 2006 года - першым намеснікам начальніка ўпраўлення, начальнікам аддзела.
Кіраваць мясцовым райвыканкамам Івану Крупко давялося ў 2010-2018 гадах. У 2007 годзе ён скончыў Акадэмію кіравання пры прэзідэнце Беларусі. У далейшым яго кар'ера развівалася імкліва і пасля кароткага перыяду кіраўніцтва Мінскім райвыканкамам ён кіраваў Мінсельгасхарчам, а зараз ужо і буйной вобласцю.
Чытайце таксама:
Лукашэнка пра працу ў аграпрамкомплексе: аб'яўлена трывога
Беларусь паставіла ў РФ прадукты харчавання на 2,5 мільярда долараў
Лукашэнка хоча атрымаць максімальную аддачу ад сялян
Экс-губернатар і былы віцэ-прэм'ер: Дворнік узначаліў "Мазырсоль"
Прэзідэнт прызначыў новых памочнікаў па Мінскай і Гомельскай абласцях