БЧ прызначыла 16 дадатковых цягнікоў на навагоднія святы

МІНСК, 22 сне – Sputnik. Беларуская чыгунка прызначыла 16 дадатковых цягнікоў на навагоднія і калядныя святы, яны будуць хадзіць з Мінска ў рэгіёны, паведамілі ў прэс-службе БЧ.

Дапсаставы прызначаны з улікам павышанага попыту ў зносінах паміж сталіцай, Гомелем, Брэстам, Гроднам, Оршай і Камунарамі.

У Гомель, напрыклад, такія цягнікі будуць хадзіць 26 снежня, 2 і 9 студзеня. З Мінска ў Брэст (праз Лунінец і Пінск) – 24 снежня, 3, 9 і 10 студзеня. Цягнік Гродна - Орша - Камунары прызначаны на 30 снежня і 8 студзеня.

Усяго ж у пераднавагоднія дні і на калядныя святы БЧ прызначыла ўжо 83 дадатковыя цягнікі.

Акрамя рэгіянальных чыгуначных маршрутаў, прызначаны і міжнародныя цягнікі. Пракаціцца з беларускай сталіцы на святы можна будзе да Масквы і Піцера.

Цягнік Мінск - Масква адправіцца 29 снежня і 8 студзеня ў 18:22 і прыбудзе ў сталіцу РФ 30 снежня і 9 студзеня ў 05:54 адпаведна.

У сваю чаргу састаў Масква - Мінск выедзе з расійскай сталіцы 30 снежня і 9 студзеня ў 22:58 з прыбыццём у Мінск 31 снежня і 10 студзеня адпаведна ў 08:31.

Састаў у Санкт-Пецярбург адправіцца 29 і 30 снежня, а таксама 1, 6 і 8 студзеня ў 19:15, прыбудзе ў паўночную сталіцу Расіі 30 і 31 снежня, а таксама 2, 7 і 9 студзеня адпаведна ў 09:20.

Назад цягнік выедзе з Санкт-Пецярбурга 30 і 31 снежня, а таксама 2, 7 і 9 студзеня ў 14:26 і прыбудзе ў Мінск 31 снежня, а таксама 1, 3, 8 і 10 студзеня ў 05:08.

З улікам эпідсітуацыі БЧ рэкамендуе пасажырам выкарыстоўваць у цягніках маскі і антысептыкі.