Польшча можа падоўжыць ахоўны плот на мяжы з Беларуссю да Украіны

МІНСК, 24 сне – Sputnik. Польскія ўлады не выключаюць будаўніцтва ахоўнай загароды, якую яны зараз устанаўліваюць на мяжы з Беларуссю, і на ўкраінскім кардоне, заявіў кіраўнік кіруючай партыі Польшчы, віцэ-прэм'ер Яраслаў Качыньскі.

Ён дадаў, што такі варыянт разглядаецца, паколькі пагранічны крызіс працягваецца. І не выключыў, што найбліжэйшыя гады на мяжы будуць вельмі напружаныя.

На фоне міграцыйнага крызісу Польшча прыняла закон аб будаўніцтве на мяжы з Беларуссю капітальнай загароды. Зараз там устаноўлены часовы плот з калючага дроту.

Польшча плануе пабудаваць агароджу даўжынёй 180 кіламетраў і вышынёй 5 метраў. Канструкцыю аснасцяць камерамі начнога бачання, датчыкамі руху, камерамі дзённага бачання.

Польская пагранслужба падлічыла, колькі мігрантаў спрабавала патрапіць з Беларусі ў краіну за 2021 год. Па яе дадзеных, з пачатку года незаконна перайчці мяжу спрабавалі 39,5 тыс чалавек. За апошні месяц такіх спроб было каля паўтары тысячы.

Сітуацыя з бежанцамі на мяжы Польшчы і Беларусі абвастрылася 8 лістапада, калі тысячы блізкаўсходніх мігрантаў ушчыльную падышлі да мяжы з Польшчай.

Больш за тыдзень бежанцы жылі ў лясным лагеры паблізу аўтамабільнага пункта пропуску "Брузгі" (з польскага боку - "Кузніца"), а 16 лістапада распачалі спробу прарвацца ў ЕС. Пагранічнікі Польшчы прымянілі слёзатачывы газ, вадамёты і светлашумавыя гранаты. Са свайго боку бежанцы кідалі ў польскіх сілавікоў камяні і ламалі загароды.

Польскія афіцыйныя асобы назвалі тое, што адбываецца, самым складаным момантам ад пачатку крызісу на мяжы.

Аб тым, што паток мігрантаў у краіны Еўрасаюза праходзіць не толькі праз Беларусь, але і праз Украіну, заявіў у пятніцу дырэктар Другога дэпартамента краін СНД МЗС Расіі Аляксей Палішчук.

На яго думку, Захад ігнаруе ўкраінскі маршрут, хаця праз яго ідзе дастаткова шмат мігрантаў. Паводле інфармацыі расійскага дыпламата, праз Беларусь у ЕС спрабуе трапіць менш за 5% агульнага патоку блізкаўсходніх бежанцаў.