МІНСК, 3 сту – Sputnik. Трэнерскі штаб беларускай біятлоннай каманды вызначыўся са спіскам спартсменаў, які будуць прадстаўляць рэспубліку на пятым этапе Кубка свету па біятлоне, што пачнецца ў нямецкім Аберхофе ўжо 6 студзеня, паведамілі ў Беларускай федэрацыі біятлона.
У складзе мужчынскай зборнай да будучых гонак рыхтуюцца:
Антон Смольскі,
Дзмітрый Лазоўскі,
Сяргей Бачарнікаў,
Максім Верабей,
Раман Ялетнаў,
Мікіта Лабастаў.
"Пяцёрку спартсменаў, якія стартуюць у спрынце, трэнеры назавуць перад гонкай", - сказалі ў федэрацыі.
Там таксама паведамілі, што ў складзе жаночай каманды падрыхтоўку працягваюць:
Ганна Сола,
Дзінара Алімбекава,
Ірына Лешчанка,
Алена і Ірына Кручынкіны,
Аліна Пільчук.
Пры гэтым апошняя можа дэбютаваць ужо на найбліжэйшых этапах Кубка, але ў Аберхофе яна на трасы не выйдзе, бо гонкі пройдуць у вельмі складаных умовах надвор'я.
У Аберхофе 6 студзеня адбудзецца мужчынскі спрынт, а 7 студзеня – жаночы. На 8 студзеня запланаваны змешаная і адзіночная змешаная эстафеты, а на 9 – гонкі праследавання.
Чытайце таксама:
Каля п’едэстала: Алімбекава 4-я ў першай гонцы Кубка свету. Давідава - першая
Беларуская біятланістка Сола выйшла замуж за велагоншчыка
Алімбекава распавяла, за кошт чаго ўварвалася ў эліту сусветнага біятлона