ДТЗ з расіянамі пад Віцебскам: шасцёра пацярпеўшых у цяжкім стане

ВІЦЕБСК, 3 сту – Sputnik. Буйная аварыя здарылася на трасе М8 "Віцебск - Магілёў - Гомель", - паведамілі ў прэс-службе МУС Беларусі.

Сутыкненне адбылося 3 студзеня каля дзвюх гадзін дня.

У выніку ДТЗ 31-гадовы вадзіцель "Рэно" загінуў на месцы, а аўтобус "Сканія", які рухаўся ў абласны цэнтр, перакуліўся.

Паводле папярэдняй інфармацыі пасольства РФ у Беларусі, у аўтобусе знаходзіўся 41 грамадзянін Расіі, 25 шпіталізавана, з іх трое - у цяжкім стане. Пасольства працягвае ўдакладняць гэтыя дадзеныя.

Пацярпеўшых даставілі ў дзве медустановы: Віцебскую абласную клінічную бальніцу і Віцебскую бальніцу хуткай дапамогі, расказалі Sputnik у расійскай дыпмісіі.

Як паведамілі Sputnik у Віцебскай абласной клінічнай бальніцы, шпіталізаваным расіянам аказваюць усю неабходную медыцынскую дапамогу.

Пасольства РФ у Беларусі высвятляе, якая турыстычная фірма арганізоўвала турпаездку расіян, удакладняе, з якіх рэгіёнаў Расіі прыехалі ў Беларусь пацярпеўшыя ў ДТЗ грамадзяне, паведамілі Sputnik у расійскай дыпмісіі.

Расійскі консул знаходзіцца на пастаяннай сувязі з мясцовымі беларускімі ўладамі, будзе вырашацца пытанне аб размяшчэнні пацярпелых, якія не будуць шпіталізаваны.

Па папярэдніх дадзеных - пацярпеў 41 пасажыр (усе грамадзяне Расіі) турыстычнага аўтобуса.

Цяпер пацярпеўшым аказваецца медыцынская дапамога ў абласной клінічнай бальніцы Віцебска.

Папярэдні агляд паказаў, што 6 пасажыраў знаходзяцца ў цяжкім стане, 18 - сярэдняй цяжкасці, астатнія лёгкай ступені.

Усяго ў аўтобусе былі 42 чалавекі, у тым ліку 41 расіянін. "Пасажыры і кіроўца аўтобуса шпіталізаваны з цялеснымі пашкоджаннямі рознай ступені цяжкасці. Сярод пацярпелых чацвёра дзяцей", - распавялі ў СК.

На месцы здарэння працуюць медыкі, супрацоўнікі ДАІ, МНС і следча-аператыўная група.

Пасажырам аўтобуса аказана неабходная медыцынская дапамога.

Па факце здарэння упраўленне СК па Віцебскай вобласці ўзбудзіла крымінальную справу па ч.2 арт.317 (парушэнне правіл дарожнага руху, якое прывяло па неасцярожнасці да смерці чалавека) Крымінальнага кодэкса Беларусі.

Аўтобус належаў прыватнаму унітарнаму прадпрыемству з Мінска, якое займаецца аказаннем турыстычных паслуг. "3 студзеня турысты прыбылі на чыгуначны вакзал Оршы для накіравання на экскурсію ў Віцебск", – паведамілі Sputnik ва УСК па Віцебскай вобласці.

МНС Беларусі з раніцы папярэдзіла, што складаныя ўмовы надвор'я ў краіне могуць справакаваць дарожна-транспартныя здарэнні, няштатныя сітуацыі на сістэмах жыццезабеспячэння і энергетыкі, а таксама пажары ў жылых дамах і траўміраванне людзей.

У першы панядзелак новага года сапраўды быў моцны галалёд: мінчане скардзіліся, што цяжка перамяшчацца па горадзе.

У найбліжэйшыя дні, паводле прагнозу, абстаноўка застанецца складанай: у аўторак днём на большай частцы тэрыторыі пройдуць ападкі ў выглядзе снегу, мокрага снегу, дажджу, чакаецца галалёдзіца. У сераду, 5 студзеня, на працягу сутак чакаюцца ападкі ў выглядзе мокрага снегу і дажджу, прагназуецца месцамі парывісты вецер.