Беларускія вайскоўцы кругласутачна ахоўваюць аэрадром Жэтыген недалёка ад Алматы і арсенал боепрыпасаў. Як расказаў камандзір міратворчай роты Ігар Гіль журналістам, усё неабходнае ў ваенных ёсць, яны гатовы да выканання задач.
Ваеннаслужачыя нясуць службу на блокпастах, або на вартаўнічых пастах. Адзначаецца, што пакуль правакацый і спроб прайсці на аб'ект, які ахоўваецца, не было. Міратворцы з Беларусі працуюць як самастойна, так і з вайскоўцамі з Казахстана.
На відэа паказана, як міратворцы правяраюць аўтамашыны, якія праязджаюць праз блокпасты. Прычым не абыходзяцца без праверкі і аўтамабілі паліцыі.
Міратворцы – у тым ліку і беларусы – былі адпраўлены ў Казахстан 6 студзеня па просьбе казахстанскага прэзідэнта Касыма-Жамарта Такаева.
Ужо ў аўторак 11 студзеня Такаеў заявіў, што асноўная місія міратворчых сіл АДКБ у Казахстане паспяхова завершана. Паводле яго слоў, міратворчы кантынгент з Казахстана пачнуць выводзіць праз два дні, усяго зойме гэта не больш за 10 дзён.
Чытайце таксама:
Беларускія міратворцы расказалі, ці былі супраць іх правакацыі ў Казахстане
Шайгу расказаў, калі міратворцы АДКБ канчаткова з'едуць з Казахстана
Місія міратворцаў у Казахстане завершана – Такаеў
Усе міратворцы вернуцца з Казахстана пасля завяршэння аперацыі – Вальфовіч
Беларускія міратворцы прыступілі да выканання задач у Казахстане