МІНСК, 13 сту - Sputnik. На месцы маста, які абрушыўся ў цэнтры сталіцы, пачалі ўзводзіць новы пуцеправод. Пра гэта агенцтву "Мінск-Навіны" паведаміў дырэктар прадпрыемства "Гардарбуд" Сяргей Панёў.
"Цяпер вырабляецца забіўка свай пад новыя апоры", – коратка распавёў аб ходзе работ Панёў.
Стары пуцеправод мінскія ўлады разабралі менш чым за тыдзень - як і абяцалі.
У дэмантажы моста, які рухнуўся, удзельнічалі каля 30 чалавек і да 25 адзінак тэхнікі, работы вяліся кругласутачна.
Крыху пазней спецыялісты назвалі прычыну надзвычайнага здарэння - "стомленасць канструкцыі ў сувязі з работай метро і павышанай нагрузкай з-за скокаў тэмператур".
Па факце абрушэння моста следчыя распачалі дзве крымінальныя справы: па ч. 1 арт. 305 (Парушэнне праектаў, абавязковых для захавання патрабаванняў тэхнічных нарматыўных прававых актаў пры вытворчасці будаўніча-мантажных работ) і ч. 2 арт. 428 (службовая халатнасць) Крымінальнага кодэкса.
Старшыня Мінгарвыканкама Уладзімір Кухараў паабяцаў пабудаваць новы пуцеправод за месяц. Пакуль жа рух грамадскага транспарту і аўтамабіляў вакол праблемнага маста забаронены да 10 лютага.
Чытайце таксама:
Тэрміны абмежавання руху машын у цэнтры Мінска зацвердзілі ўлады горада
Дзе перакрыты рух з-за моста на Нямізе, які абваліўся – інфаграфіка
Мэр Мінска расказаў, калі будзе адкрыты новы мост на Нямізе