МІНСК, 13 сту - Sputnik. Расія не кіне Беларусь у выпадку спынення транзіту калію праз літоўскую тэрыторыю, заявіў журналістам прэс-сакратар прэзідэнта РФ Дзмітры Пяскоў.
"Я пакіну без адказу ваша пытанне. Адчувальная субстанцыя. Беларусь - наш партнёр, мы яе не кідаем і не кінем", - сказаў прэс-сакратар прэзідэнта РФ журналісту, які спытаўся, ці гатова Расія транспартаваць беларускі калій.
Адказваючы на пытанне, ці плануе Уладзімір Пуцін абмеркаваць гэтае пытанне з беларускім калегам, Дзмітры Пяскоў сцісла сказаў: "Без адказу".
Прыпыненне транзіту
Раней літоўскі ўрад вырашыў, што дагавор паміж "Літоўскімі чыгункамі" і "Беларуськаліем" не адпавядае інтарэсам нацыянальнай бяспекі і павінен быць скасаваны.
Літоўскі аператар чыгунак падпісаў дамову з беларускім вытворцам калію аб транспарціроўцы ўдабрэнняў яшчэ ў 2018 годзе. Пагадненне павінна дзейнічаць да 2023 года.
Беларускі бок абавязаўся перавальваць праз літоўскі порт у Клайпедзе каля 11 мільёнаў тон калію штогод. Тэрмінал у порце часткова належыць беларускай кампаніі, якая з'яўляецца яго акцыянерам.
У Літве дзеянні ў дачыненні да "Беларуськалія" тлумачаць уведзенымі супраць прадпрыемства санкцыямі з боку Злучаных Штатаў. У балтыйскай рэспубліцы ўжо падлічылі, што страты могуць скласці 600 мільёнаў долараў.
Разрыў кантракту
Таксама на бягучым тыдні стала вядома, што з 1 красавіка адносіны з беларускім калійным гігантам разрывае нарвежская кампанія Yara, якая з'яўляецца адным з ключавых ігракоў на еўрапейскім рынку.
Беларуская калійная кампанія працавала з нарвежскай кампаніяй па пяцігадовых кантрактах. Згодна з афіцыйнай інфармацыяй, на працягу 2011-2015 гадоў БКК пастаўляла нарвежцам больш за адзін мільён тон калію ў год.
Чытайце таксама:
Літва скасоўвае кантракт на перавозку беларускага калію
Літву чакае вялізны штраф з-за разрыву дамовы з "Беларуськаліем"