МІНСК, 20 сту – Sputnik. Канстытуцыйны рэферэндум у Беларусі адбудзецца ў нядзелю 27 лютага, паведамілі ў прэс-службе кіраўніка дзяржавы.
Адпаведны ўказ у чацвер 20 студзеня падпісаў прэзідэнт Беларусі Аляксандр Лукашэнка.
Паводле дадзеных прэс-службы, гэтым дакументам вызначана фармуліроўка пытання на рэферэндум, што будзе ў бюлетэні: "Ці прымаеце Вы змяненні і дапаўненні Канстытуцыі Рэспублікі Беларусь?".
Акрамя таго, ва ўказе змяшчаюцца змяненні і дапаўненні ў Асноўны закон краіны, якія выносяцца на ўсенароднае галасаванне.
Згодна з дзеючым у Беларусі Выбарчым кодэксам вызначаны парадак уступлення ў сілу рашэння, прынятага на рэферэндуме, – праз 10 дзён пасля афіцыйнага апублікавання.
Указам прадугледжана, што ЦВК павінна арганізаваць правядзенне рэферэндуму, забяспечыць падвядзенне вынікаў і весці кантроль за выкананнем заканадаўства пры гэтым.
Папраўкі ў Асноўны закон
У Беларусі падрыхтаваны праект абноўленай Канстытуцыі, ён ужо прадстаўлены кіраўніку дзяржавы і абнародаваны для грамадскага абмеркавання.
Праводзіць будучы рэферэндум будзе новы склад Цэнтрвыбаркама - прэзідэнт прызначыў на пасаду старшыні Ігара Карпенку. Лідзія Ярмошына, якая ўзначальвала больш за 25 гадоў беларускую ЦВК, пайшла ў адстаўку.
Раней Лукашэнка казаў, што канстытуцыйны рэферэндум у Беларусі пройдзе ў 20-х чыслах лютага 2022 года - калі пры гэтым у краіне не будзе надзвычайнай сітуацыі.
"Яшчэ раз мы хочам узяць прапановы ад людзей, а ў лютым месяцы, у 20-х чыслах, дзесьці прыкладна так, яшчэ падумаем, як нам зручна і лепей па законе, па цяпер дзеючай Канстытуцыі, вынесем на рэферэндум, будзе вынесена Канстытуцыя на рэферэндум", - сказаў ён.
Адказваючы на пытанне, ці адбудзецца ў лютым рэферэндум, Лукашэнка сказаў: "Калі не пачнецца вайна".
Чытайце таксама:
Калі запросяць: Расія накіруе назіральнікаў на рэферэндум у Беларусь
Апублікаваны праект змен у Канстытуцыю Беларусі
Больш за палову беларусаў гатовы прыйсці на рэферэндум – сацапытанне
Лукашэнка расказаў, што зменіцца пасля прыняцця абноўленай Канстытуцыі
Новы кіраўнік прызначаны ў ЦВК Беларусі