Прапанаваныя ў Канстытуцыю папраўкі выклікалі цікавасць у насельніцтва – Лукашэнка
12:08 18.01.2022 (абноўлена: 19:00 19.01.2022)
© Sputnik / Виктор Толочко
Падпісацца
Сёння беларускі лідар праводзіць нараду па выніках усенароднага абмеркавання праекта змяненняў у Асноўны закон краіны.
МІНСК, 18 сту – Sputnik. Папраўкі ў Канстытуцыю, якія былі вынесены на ўсенароднае абмеркаванне, выклікалі жывую цікавасць у насельніцтва, аб гэтым прэзідэнт Беларусі Аляксандр Лукашэнка заявіў на нарадзе па выніках усенароднага абмеркавання праекта змяненняў у Асноўны закон.
"Як мне дакладваюць, прапанаваныя папраўкі выклікалі жывую цікавасць. У дыялогу бяруць удзел усе групы і пласты насельніцтва", - сказаў кіраўнік дзяржавы.
Ён адзначыў, што па яго даручэнні і было арганізавана шырокае асвятленне навацый. Гэта зроблена для таго, каб атрымаць ад народа зваротную сувязь.
"Мной было прынята рашэнне аб шырокім асвятленні прапанаваных навацый, каб атрымаць зваротную сувязь, ацэнку гэтага праекта ад спецыялістаў, кіраўнікоў прадпрыемстваў, простых людзей, у тым ліку дзяржслужачых, працоўных калектываў і арганізацый", - адзначыў Лукашэнка.
Прэзідэнт падзякаваў удзельнікам пасяджэння за праведзеную работу ў рэгіёнах. Прадстаўнікі канстытуцыйнай камісіі правялі сустрэчы з працоўнымі калектывамі, адказалі на пытанні, якія хвалююць грамадзян у сувязі са зменамі ў Канстытуцыю.
"Уласна, і сам праект змяненняў Канстытуцыі - вынік шматлікіх дыскусій, сустрэч, абмеркаванняў на тых жа дыялогавых пляцоўках", - канстатаваў кіраўнік дзяржавы.
Ён таксама папрасіў прысутных далажыць аб выніках аналізу прапаноў, якія паступілі.
"Скажыце, што трэба яшчэ ўлічыць у праекце? Я гэтае пытанне задаю таму, што ўсё ж такі мне ўносіць гэты праект на абмеркаванне", - зазначыў Лукашэнка.
"Натуральны працэс перамен"
Прэзідэнт адзначыў, што дзяржаўныя СМІ вядуць шырокую растлумачальную работу.
"Вякаюць і нашы апаненты. Я не памыляюся. Менавіта вякаюць. У мяне аналіз поўнасцю ўсіх іх заяў. Яны плятуцца ў хвасце, падхопліваюць любы тэзіс, любую коску і пачынаюць яе не то крытыкаваць, не тое абвяргаць", - канстатаваў беларускі лідар.
Па яго словах, іх заявы па зменах у Канстытуцыю не вытрымліваюць крытыкі.
"Тое, што ў іх там робіцца, не паддаецца крытыцы. Цяпер яны ўжо адышлі ад свайго галоўнага лозунга - "Перамены, перамены!", - адзначыў Лукашэнка.
На думку кіраўніка дзяржавы, у аснове любых змяненняў і перамен якраз павінна ляжаць Канстытуцыя, таму што ўсё павінна быць па законе.
"Гэта натуральны працэс перамен. А пачынаць трэба як усе цывілізаваныя і пісьменныя людзі. Асновай гэтых перамен павінна быць Канстытуцыя. Можна здзейсніць перамены такім чынам, што будзе горш, чым у Казахстане, - будзе як на Украіне. Таму ўсё павінна быць планамерным", - перакананы беларускі лідар.
Вучыцца на памылках іншых
Ён лічыць, што Беларусі трэба вучыцца не на сваіх памылках, а "здабываць вопыт як з памылак, так і са станоўчага ў сяброў, суседзяў і ворагаў".
"Гэта не я прыдумаў. Таму мы, выкарыстоўваючы гэтыя прынцыпы, ішлі, развіваліся, рыхтавалі гэтыя змены", - сказаў Лукашэнка.
Далей - два варыянты
Лукашэнка распавёў, што пасля абмеркавання канстытуцыйных змен у насельніцтва будзе два варыянты: прымаць папраўкі ці не.
"Або народ прымае змяненні да гэтай Канстытуцыі і ў нас з'яўляецца абноўленая Канстытуцыя, або ён адхіляе гэтыя прапановы і ў нас застаецца старая Канстытуцыя. У гэтым увесь адказ на пытанне, каму гэта выгадна і каму гэта трэба", - сказаў кіраўнік дзяржавы.
Новая Канстытуцыя
Праект абноўленай Канстытуцыі з'явіўся ў адкрытым доступе 27 снежня.
Любому грамадзяніну Беларусі была дадзена магчымасць накіраваць свае прапановы па праекце дакумента ў любы дзяржорган. Улады паведамляюць, што ў рамках усенароднага абмеркавання праекта абнаўленняў ад насельніцтва паступіла каля 6 тысяч прапаноў.
Плануецца, што канстытуцыйны рэферэндум пройдзе ў лютым 2022 года.
Таксама на Sputnik:
Калі запросяць: Расія накіруе назіральнікаў на рэферэндум у Беларусь
БПЦ будзе настойваць на сваіх папраўках у Канстытуцыю
Перастаём капіраваць фантомныя ўзоры Захаду: Гігін аб новай Канстытуцыі
Апублікаваны праект змен у Канстытуцыю Беларусі
Законы аб УНС і праўках у выбарчым праве распрацуюць у 2022 годзе
