МІНСК, 22 сту - Sputnik. У беларусаў з'явілася магчымасць запытаць звесткі аб сваіх перасячэннях мяжы, паведамляе Нацыянальны цэнтр электронных паслуг.
Уладальнікам сістэмы з'яўляецца Дзяржпагранкамітэт. Для атрымання паслугі трэба прайсці строгую аўтэнтыфікацыю – выкарыстоўваць свой электронны лічбавы подпіс ці ўвесці дадзеныя ID-карты ў асабістым кабінеце на Адзіным партале электронных паслуг.
Адзначаецца, што ДПК прадаставіць наступныя дадзеныя: ПІБ (на лацінцы), ідэнтыфікацыйны нумар пашпарта, пункт пропуску, дату рэгістрацыі, статус пасажыра і напрамак руху.
Паслуга будзе платнай, колькі яна будзе каштаваць і калі заробіць, не ўдакладняецца. Атрымаць звесткі можна будзе толькі ў адносінах да сябе асабіста.
Важны нюанс: інфармацыя аб перасячэнні мяжы даступная фізічным асобам, пачынаючы з 1 студзеня 2010 года.
Як беларусам з ID-картамі перасякаць мяжу?
Нагадаем, беларусам з 1 верасня 2021 года можна звяртацца ў органы па грамадзянстве і міграцыі па біяметрычныя дакументы. Па іх, а таксама па пашпарце старога ўзору сёння можна выехаць за мяжу.
У ДПК зазначаюць, што выкарыстанне біяметрыі паскарае працэдуру праходжання пагранічнага кантролю пры перасячэнні мяжы, а таксама "гарантавана абараняе ад падробак".
Чытайце таксама:
Стала вядома, колькі замежнікаў за год атрымліваюць грамадзянства Беларусі
Біяметрычныя дакументы: як і дзе ў Беларусі выпускаюць ID-карты
Можна ісці за новымі пашпартамі: 1 верасня ўступае ў сілу ўказ прэзідэнта