Лукашэнка звернецца з пасланнем да народа Беларусі і Нацыянальнага схода

МІНСК, 26 сту – Sputnik. Прэзідэнт Аляксандр Лукашэнка звернецца з пасланнем да беларускага народа і Нацыянальнага схода ў пятніцу, 28 студзеня, аб гэтым паведаміла яго прэс-сакратар Наталля Эйсмант.

Мерапрыемства пройдзе ў Палацы Рэспублікі, які змяшчае 2700 чалавек, "каб максімальна пашырыць кола запрошаных".

Пасланне беларусам і парламенту будзе трансліравацца на ўсіх айчынных тэлеканалах і радыё ў прамым эфіры.

Паводле слоў прэс-сакратара кіраўніка дзяржавы, папярэдні вопыт работы ў такім шырокім фармаце аказаўся запатрабаваным і быў успрыняты пазітыўна.

"Для дэпутатаў і сенатараў, для запрошаных, гасцей з рэгіёнаў, для нашага актыву, журналістаў, блогераў, вядома, вельмі важна прысутнічаць у зале", - дадала Наталля Эйсмант.

Што Лукашэнка скажа ў пасланні? У час нарады з беларускімі вучонымі ў аўторак, 25 студзеня, Аляксандр Лукашэнка паведаміў, што збіраецца ў пасланні народу і парламенту ўзняць такое гістарычнае пытанне, як здабыццё незалежнасці Беларуссю.

І нагадаў, што гэтым пытанням трэба больш увагі ўдзяліць у школе, "таму што трэба ведаць гісторыю беларусаў, а таксама захаваць гістарычную спадчыну".

Папярэдняе пасланне да беларускага народа і Нацыянальнага схода адбылося 4 жніўня 2020 года – за некалькі дзён да прэзідэнцкіх выбараў.