Дзярждэпартамент ЗША вырашыў вывезці з Беларусі сем’і сваіх дыпламатаў

МІНСК, 1 лют – Sputnik. Дзярждэпартамент ЗША аддаў распараджэнне вывезці з Беларусі сем'і сваіх дыпсупрацоўнікаў, паведамляе прэс-служба амерыканскага знешнепалітычнага ведамства.

Удакладняецца, што гэта звязана з магчымым абвастрэннем сытуацыі вакол Украіны.

Амерыканскі Дзярждэп заяўляе аб нібы ўзрослай актыўнасці каля меж Украіны, таму грамадзяне ЗША, якія знаходзяцца ў Беларусі або жадаючыя туды паехаць, павінны разумець, што сітуацыя ў рэгіёне "непрадказальная".

Раней у Дзярждэпартаменце ЗША таксама рэкамендавалі амерыканцам устрымлівацца ад паездак у Расію ў сувязі з нібыта існуючай напружанасцю на мяжы з Украінай.

А 24 студзеня амерыканскае знешнепалітычнае ведамства аддало распараджэнне сем’ям дыпламатаў, якія працуюць у пасольстве ў Кіеве, пакінуць Украіну нібыта з-за пагрозы ваенных дзеянняў з боку Расіі. З гэтай жа прычыны грамадзянам ЗША рэкамендавана адмовіцца ад паездак ва Украіну.

Вялікабрытанія таксама вырашыла вывезці з Кіева некаторых сваіх супрацоўнікаў і членаў іх сямей. Пры гэтым дыпмісія працягне сваю працу.

Кіеў і многія краіны Захаду рэгулярна заяўляюць аб нібы ўзмацненні "агрэсіўных дзеянняў" з боку Расіі каля меж Украіны. Расія ж цалкам адмаўляе такія абвінавачанні. У Маскве падкрэсліваюць, што РФ нікому не пагражае і не плануе ні на каго нападаць.

Акрамя таго, у Расіі не раз звярталі ўвагу на тое, што заявы аб магчымай агрэсіі – гэта толькі падстава, каб размясціць больш ваеннай тэхнікі НАТА паблізу расійскіх меж. Больш за тое, краіны Захаду працягваюць пастаўкі ўзбраення Украіне.

У іх, акрамя ЗША, бяруць удзел Канада, Вялікабрытанія, Польшча, Францыя, Літва, Турцыя, Чэхія ды іншыя дзяржавы. А Латвія 31 студзеня вырашыла адправіць ваенных інструктараў ва Украіну.

У Маскве не выключаюць правакацый з боку Кіева, каб развязаць поўнамаштабную вайну з непадкантрольнымі тэрыторыямі Данбаса.