МІНСК, 5 лют – Sputnik. З прычыны ўвядзення харчэмбарга ў адказ на санкцыі некаторых краін Захаду, забароненыя пазіцыі імпартных тавараў заменены на беларускія, паведаміў карэспандэнту Sputnik міністр антыманапольнага развіцця і гандлю Беларусі Аляксей Багданаў.
Паводле яго слоў, беларускія ўлады разумелі, якія пазіцыі тавараў могуць знікнуць з паліц беларускіх крам, калі стваралася пастанова Саўміна №700.
"Мы ўсляпую ніколі не дзейнічаем. Мы разумелі, што выпадзе з тавараў, на якую суму, і ці зможам мы гэта замясціць. І мы бачым, што сёння той эфект ад пастановы, якога чакалі нашы нядобразычліўцы, ён супрацьлеглы", - заявіў кіраўнік МАРГ.
Ён адзначыў, што Беларусь хутка замясціла пазіцыі забароненых тавараў з недружалюбных краін на аналагічныя беларускія або краін-партнёраў.
"Былі нейкія спачатку перабоі з некаторымі відамі прадукцыі, але гэта датычылася экзатычных відаў, напрыклад, хурмы. Вазілі хурму з Іспаніі, цяпер возім з Азербайджана і Ірана, іншых краін", - адзначыў Багданаў.
На думку кіраўніка МАРГ, для айчынных вытворцаў гэта шанс развіць сваю вытворчасць.
"Для беларускага вытворцы, гэта дадатковы стымул павялічыць інвестыцыі ва ўласную вытворчасць, і гэту катэгорыю тавараў, а самая складаная была па фрэшах, замясціць на паліцах крам. І сёння і фермеры, і СВК актыўна працуюць у сябе, каб развіваць гэтыя пазіцыі і пастаўляць на паліцы крам", - падкрэсліў кіраўнік ведамства.
Як робяць у Расіі?
У прыклад кіраўнік МАРГ прывёў Расію. Ён сказаў, што краіна-суседка выкарыстоўвала санкцыі, каб пераарыентавацца на сваю вытворчасць.
"Расія даўно пад гэтымі санкцыямі, замясціла (імпартныя тавары на айчынныя – Sputnik), беларусы нічым не горшыя. І прадпрымальнікі, і гандлёвыя сеткі, і імпарцёры даўно перабудаваліся і напоўнілі паліцы крам", - дадаў Багданаў.
Прадэмбарга ў адказ на санкцыі
У пачатку снежня мінулага года стала вядома аб увядзенні ў Беларусі забароны на ўвоз шэрага тавараў з заходніх краін, якія прымяняюць антыбеларускія санкцыі. Адпаведнае рашэнне замацавана пастановай беларускага Саўміна ад 6 снежня №700 "Аб прымяненні спецыяльных мер адносна асобных відаў тавараў".
Харчовая эмбарга пачало дзейнічаць з 1 студзеня 2022 года, пры гэтым гарантавалася, што ўнутраны рынак будзе забяспечаны прадуктамі, а прадпрыемствы рэспублікі – сыравінай, аб гэтым раней заяўлялі ў міністэрстве сельскай гаспадаркі і харчавання.
У пералік "забаронкі" трапілі свініна, малочныя прадукты, субпрадукты, садавіна і арэхі, агародніна, каўбасы, а таксама кандытарскія вырабы. Усяго ў спіску – каля 20 груп прадуктаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусь абмежавала вываз яблыкаў, цыбулі і капусты, на чарзе - бульба і морква
Аматарам сыра прысвячаецца: у Беларусі пачнуць выпускаць камамбер
Мінск і Баку павялічылі тавараабарот у два разы
Суму страт з-за харчовага эмбарга Мінска назвалі ў Літве
Лукашэнка: з-за контрмер у адказ на санкцыі людзі не павінны пацярпець