МІНСК, 5 лют – Sputnik. Расійскія самалёты Су-25СМ Усходняй ваеннай акругі Расіі перакінуты ў Беларусь, аб гэтым журналістам паведамілі ў Міністэрстве абароны Расіі.
"Экіпажы самалётаў Су-25СМ Усходняй ваеннай акругі, якія прыцягваюцца да праверкі сіл рэагавання Саюзнай дзяржавы, завяршылі перабазіраванне на аэрадромы Рэспублікі Беларусь", - расказалі ў ваенным ведамстве.
Адзначаецца, што самалёты пераадолелі больш за сем тысяч кіламетраў для таго, каб прызямліцца на аэрадроме ў Брэсцкай вобласці.
У Мінабароны ўдакладнілі, што пасля прыбыцця ў Беларусь экіпажы будуць рыхтавацца да запланаваных мерапрыемстваў – вывучаць маршруты будучых палётаў і адпрацуюць узаемадзеянне з кіраўніцтвам палётамі.
Па кадыфікацыі НАТА, СУ-25 – "Лягушачья лапка" або Frogfoot. На тэрыторыі былога СССР у самалётаў іншая назва – "Грач". Штурмавікі прызначаны для знішчэння маларухомых цэлей (з лёгкасцю знішчаюць браніраваныя прылады і танкі), а таксама слаба манеўраных паветраных планёраў, верталётаў і самалётаў – як у начны, так і ў дзённы час. Экіпаж складаецца з аднаго чалавека.
Сумесныя вучэнні
Цяпер пад Брэстам праходзіць праверка сіл Саюзнай дзяржавы. На першым этапе (да 9 лютага) з Расіі ў Беларусь будуць перадыслакаваны асабовы склад і тэхніка, створаны групоўкі войск.
На другім этапе (з 10 лютага) пройдуць сумесныя беларуска-расійскія вучэнні "Саюзная рашучасць-2022".
Асноўная фаза вучэнняў, якія працягнуцца да 20 лютага, пройдзе на пяці палігонах. Для адпрацоўкі задач будуць задзейнічаны і чатыры беларускія аэрадромы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Украіна правядзе вучэнні ў Чарнобыльскай зоне адчужэння
Лукашэнка назваў галоўную мэту вучэнняў на мяжы з Украінай
ЗРК С-400 "Триумф" прыбыў у Беларусь
Войскі пераадолелі 10 000 км для ўдзелу ў вучэнні "Саюзная рашучасць-2022"
Вучэнні ў лютым: Рэспубліка Палессе і Паўночная Федэрацыя супраць Заходніх