МІНСК, 24 лют – Sputnik. Беларусь стане мішэнню для атакі раней за Расію, таму што на ёй будуць трэніравацца, заявіў беларускі лідар журналістам у Палацы Незалежнасці.
Раней стала вядома, што прэзідэнт Расіі Уладзімір Пуцін аб’явіў аб пачатку спецыяльнай ваеннай аперацыі ў Данбасе, каб гарантаваць бяспеку мясцовых жыхароў.
Адказваючы на пытанне, як прапановы Расіі па гарантыях бяспекі датычацца Беларусі, Аляксандр Лукашэнка сказаў, што ўсё, што Масква патрабуе ад Захаду, перш за ўсё датычыцца нашай краіны.
"Калі раптам Украіна стане вось гэтым ачагом натаўскім і будзе нацэлена супраць Расіі, то, як я сказаў сёння ноччу Пуціну, трэніравацца будуць на нас. Найперш нас пачнуць трэціраваць. Атрымаецца – тады і на Расію", - лічыць кіраўнік дзяржавы.
Паводле яго слоў, калі будзе прынята рашэнне запусціць ракету, то яна найперш паляціць у бок беларускую сталіцу. Толькі потым могуць з украінскага боку нанесці ракетны ўдар па Маскве.
"Таму людзі нашы павінны разумець, што ўсё, што патрабуе ўлада расійская па гарантыях, - гэта нас перш за ўсё датычыцца", - растлумачыў Аляксандр Лукашэнка.
Пасля чаго задаўся рытарычным пытаннем, што здарыцца, калі заўтра не стане Расіі, яна пацерпіць паражэнне. У гэтую варонку адразу зацягне Беларусь.
"Ні "балкона", нічога. Заўтра пачнецца атака з усіх бакоў на нас", - асабліва адзначыў кіраўнік беларускай дзяржавы.
Расія патрэбна Беларусі
Аляксандр Лукашэнка звярнуў увагу, што ў гэтым выпадку знікнуць яшчэ і Саюзная дзяржава, і рэгіянальная групоўка войск, якая складаецца з беларускай арміі і заходніх расійскіх часцей.
"Жыццёва важна сёння захаваць Расію. Гэтую магутную, багатую на рэсурсы краіну. Гэта ў нашых інтарэсах", - упэўнены беларускі лідар.
Паводле яго слоў, тым, хто лічыць, што беларусы - не браты з расіянамі, абавязаны разумець, што ў адваротным выпадку "мы павінны працаваць і жыць, як ва Украіне: прыродны газ - $1200 за тысячу кубоў, нафта, перапрацоўка там, рынак…".
НАТА каля меж Беларусі
"Таму ўсё гэта трэба ў кучу скласці і разумець, якую палітыку мне даводзіцца тут ажыццяўляць і па якім лязе нажа даводзіцца сёння прайсці", - панаракаў Аляксандр Лукашэнка.
Адказваючы на пытанне аб адказе на нарошчванне ваеннага патэнцыялу НАТА каля беларускіх меж, кіраўнік дзяржавы растлумачыў, што тысяча ваенных, якіх ЗША перакінулі на польскую мяжу, не важны.
"Мы з імі разбярэмся за дзве-тры гадзіны, справа не ў гэтым. Важна тое, што мы сутыкнемся з Амерыкай. Калі толькі застрэлім хоць аднаго амерыканскага салдата, сутыкнемся з імі. І тады ўжо пачнецца канфлікт не з тысячай салдат, а з тэхналагічнай у ваенных адносінах машынай, наймагутнай дзяржавай. У гэтым небяспека", - цытуе кіраўніка дзяржавы БелТА.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце атксама:
СБУ рыхтуе правакацыі з пастановачнай відэаздымкай – Мінабароны Расіі
Украіна разрывае дыпламатычныя адносіны з Расіяй – Зяленскі
Кіеў прайграе: Лукашэнка назваў умовы перамоў РФ з Украінай
Мінабароны РФ: украінскія вайскоўцы масава пакідаюць пазіцыі, кідаючы зброю
Лукашэнка распавёў, ці ўдзельнічаюць беларускія войскі ў аперацыі ў Данбасе