МІНСК, 24 лют – Sputnik. Старшыня Цэнтрвыбаркама Беларусі Ігар Карпенка заявіў аб пагрозах у дачыненні да прадстаўнікоў ЦВК і членаў выбарчых камісій, паведамляе карэспандэнт Sputnik.
"Спрабуюць стварыць эфект неправамоцнасці нейкіх дзеянняў (ЦВК - Sputnik). Ужо пайшлі пагрозы і ў адносінах да мяне, і ў дачыненні да камісіі (Цэнтрвыбаркама) вы рыхтуйцеся, мы хутка вам крымінальную адказнасць устроім", - заявіў Карпенка на сустрэчы з кіраўнікамі Місіі назіральнікаў ад СНД, намеснікам Старшыні Выканаўчага камітэта - выканаўчага сакратара СНД Ільхамам Няматавым.
Пры гэтым ён заявіў, што ЦВК выбудоўвае сваю працу так, каб правесці рэферэндум у адпаведнасці з дзеючым заканадаўствам.
Больш за 190 міжнародных назіральнікаў прыбылі ў Беларусь для назірання за выбарамі, яшчэ 22 незалежныя назіральнікі з шэрага краін ЕС і Украіны па запрашэнні МЗС прыедуць у Беларусь, заявіў Карпенка.
Датэрміновае галасаванне
Карпенка таксама паведаміў, што датэрміновае галасаванне ў Беларусі працягваецца. За ўчорашні дзень у ім прынялі ўдзел 14,52% грамадзян, якія ўключаны ў спіскі для галасавання на рэферэндуме.
"Усе працэдуры (па галасаванні – Sputnik) выконваюцца. Мне нават дзіўна чуць, што некаторыя апазіцыйныя структуры, партыі абураюцца што ў іх няма магчымасці сачыць за рэферэндумам", – сказаў ён.
Пры гэтым кіраўнік ЦВК адзначыў нізкую актыўнасць апазіцыйных партый пры вылучэнні назіральнікаў на рэферэндум. Па словах Карпенкі, у выніку з больш як 44 тысяч унутраных назіральнікаў толькі 37 ад апазіцыйных структур.
Датэрміновае галасаванне на канстытуцыйным рэферэндуме працягнецца да 26 лютага ўключна. Да галасавання падрыхтаваны 5510 участкаў, прагаласаваць можна па месцы прапіскі або часовай рэгістрацыі, а таксама па месцы жыхарства.
Асноўная задача місіі СНД
Пасля сустрэчы з Карпенкам кіраўнік місіі СНД заявіў, што асноўная задача місіі - "гэта не праверка, не падказка, а аказанне садзейнічання ў правядзенні гэтай палітычнай кампаніі на высокім арганізацыйным узроўні, з захаваннем законаў Беларусі".
"Наша работа будуецца выключна на прынцыпах нейтральнасці, галоснасці, адкрытасці, празрыстасці і, самае галоўнае, у неўмяшанні ў правядзенне і падрыхтоўку рэферэндуму, неўмяшанні ва ўнутраныя справы", - сказаў Няматаў.
Па яго словах, доўгатэрміновыя назіральнікі ўжо пабывалі ва ўсіх рэгіёнах Беларусі і адзначаюць, што падрыхтоўка да рэферэндуму ідзе на высокім арганізацыйным узроўні, з захаваннем законаў.
Колькі пытанняў у бюлетэні
У бюлетэні на канстытуцыйным рэферэндуме будзе ўсяго адно пытанне: "Ці прымаеце Вы змяненні і дапаўненні Канстытуцыі Рэспублікі Беларусь?". Варыянтаў адказаў два: "так" ці "не".
Участкі ў дні датэрміновага галасавання працуюць з 10:00 да 14:00 і з 16:00 да 19:00. А ў асноўны дзень галасавання, 27 лютага – з 8:00 да 20:00.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Кіраўнік ЦВК Беларусі Карпенка прагаласаваў на рэферэндуме
ЦВК назвала яўку выбаршчыкаў у першы дзень датэрміновага галасавання на рэферэндуме
Нават скрупулёзна: міжнародныя назіральнікі ацанілі працу ўчастковых камісій
КДБ Беларусі затрымаў групу людзей, якія рыхтавалі зрыў рэферэндуму – дзяржТБ
Карпенка аб рэферэндуме: у адрас ЦВК працягваюць паступаць пагрозы