МІНСК, 27 лют – Sputnik. Яўка грамадзян на рэспубліканскі рэферэндум па ўнясенні змяненняў у Канстытуцыю склала 78,61%. Такія звесткі паведаміла ЦВК.
Сярод лідараў па колькасці жадаючых прагаласаваць – Гомельская вобласць (больш за 81%), менш за ўсё на рэферэндум прыйшлі ў Мінску – 71%.
Вынікі па рэгіёнах выглядаюць наступным чынам:
Брэсцкая вобласць – 78,89%,
Віцебская вобласць – 81,12%,
Гомельская вобласць – 81,74%,
Гродзенская вобласць – 77,43%,
Мінская вобласць – 79,46%,
Магілёўская вобласць – 82,94%,
Мінск – 71,37%.
Кіраўнік ЦВК Ігар Карпенка падзякаваў усім, хто прыняў удзел у рэферэндуме, членам камісій і ўсім, хто забяспечваў бяспеку на выбарах.
"Цяпер ідзе апрацоўка бюлетэняў. Як толькі мы атрымаем аператыўную інфармацыю ад абласцей і Мінска, мы гатовы будзем агучыць вам папярэднія лічбы па выніках рэферэндуму", - заявіў Ігар Карпенка.
Як раней паведамляў кіраўнік ЦВК, папярэднія вынікі па рэферэндуме могуць быць вядомыя каля паўночы - гадзіны ночы.
Для параўнання, на папярэдніх рэферэндумах, якія праводзіліся раней у Беларусі, яўка выглядала наступным чынам:
у 1995 годзе - амаль 65%,
у 1996 годзе - больш за 84%,
у 2004 годзе - больш за 90%.
Рэферэндум-2022
Асноўны дзень для галасавання на рэферэндуме прайшоў 27 лютага, у нядзелю прагаласаваў і прэзідэнт краіны Аляксандр Лукашэнка.
У бюлетэні адно пытанне: "Ці прымаеце Вы змяненні і дапаўненні Канстытуцыі Рэспублікі Беларусь?" – і два варыянты адказу: "так" ці "не".
Беларусам прапанавалася надзяліць Усебеларускі народны сход новымі паўнамоцтвамі, якія зробяць яго вышэйшым прадстаўнічым органам улады, што вызначае знешнюю і ўнутраную палітыку краіны.
Паводле рэдакцыі новай Канстытуцыі, рэспубліка выключае ваенную агрэсію ў бок іншых дзяржаў - гэта палажэнне замяняе вызначэнне Беларусі як бяз'ядзернай і нейтральнай краіны. Дадаецца, што наша краіна будзе развіваць атамную энергетыку ў мірных мэтах.
Акрамя таго, замацавана паняцце шлюбу як саюзу мужчыны і жанчыны. Дададзена, што праява патрыятызму з'яўляецца асноўным абавязкам кожнага грамадзяніна краіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
"Спакойна і без разнарадак": як беларусы галасавалі на рэферэндуме – відэа
За заклікі да пратэстаў затрымалі 14 чалавек – кіраўнік МУС
Назіральнікі ад СНД назвалі падрыхтоўку да рэферэндуму бездакорнай – відэа
Бо тут жывём: некаторыя мінчане прыйшлі на ўчасткі яшчэ да адкрыцця