За 20 гадзін, пакуль дэлегацыя Украіны дабіралася да месца правядзення перамоваў, лакацыю з меркаванняў бяспекі мянялі двойчы, пра гэта распавялі адразу некалькі крыніц. На дадзены момант дакладнае месца сустрэчы не раскрываецца, вядома толькі, што яно размешчана паблізу ад беларуска-ўкраінскай мяжы.
"Мы прыехалі сюды ўчора ўвечары, месца ўзгоднена з украінскім бокам, побач з мяжой Украіны, не спалі ўсю ноч, чакалі прыезду ўкраінскай дэлегацыі", – распавёў памочнік прэзідэнта РФ, кіраўнік расійскай дэлегацыі на перамовах Уладзімір Мядзінскі.
Па словах расійскага прадстаўніка, дэлегацыя Украіны выбрала вельмі складаную лагістыку, час іх прыезду пераносіўся некалькі разоў на працягу ночы.
"Толькі цяпер мы атрымалі інфармацыю, што яны прыбудуць недзе праз гадзіну, адпаведна, у 12-ць мы сядзем за стол перагавораў", - сказаў Мядзінскі.
Кіраўнік расійскай дэлегацыі не стаў каменціраваць, чаму ўкраінскія перагаворшчыкі выбралі такую складаную лагістыку, каб дабрацца да месца сустрэчы (раней паведамлялася, што з меркаванняў бяспекі яны едуць праз Польшчу), напэўна, "у іх былі для гэтага нейкія падставы", сказаў Мядзінскі.
"Кожная гадзіна прадаўжэння канфлікту - гэта загінулыя ўкраінскія грамадзяне і загінулыя ўкраінскія салдаты, мы, безумоўна, зацікаўлены ў тым, каб выйсці на нейкія дамоўленасці як мага хутчэй, і гэтыя дамоўленасці павінны быць у інтарэсах абодвух бакоў", - падкрэсліў кіраўнік расійскай дэлегацыі.
Паводле слоў Мядзінскага, ён не ўпаўнаважаны раскрываць склад украінскай дэлегацыі да моманту, калі яны сядуць за стол перагавораў, але інфармацыя аб складзе сустрэчнага боку ў расіян ёсць, і "гэта дастаткова высокі ўзровень", сказаў Мядзінскі.
>>> Самая актуальная інфармацыя аб перамовах Расіі і Украіны - у Telegram-канале Sputnik Беларусь
Таксама на Sputnik:
ЕС закрыў паветраную прастору для суднаў Расіі
Спецаперацыя ў Данбасе: што вядома да гэтай гадзіны
Пляцоўка для расійска-ўкраінскіх перагавораў падрыхтавана – МЗС Беларусі