МІНСК, 28 лют – Sputnik. Расійска-ўкраінскія перагаворы завяршыліся, паведаміла крыніца Sputnik, блізкая да перагаворнага працэсу.
Нагадаем, сустрэча праходзіць у Гомельскай вобласці Беларусі. Перагаворшчыкі з украінскага боку раніцай у панядзелак прыляцелі на верталёце з Польшчы.
Дэлегацыя ад расійскага боку прыбыла ў Мінск для перагавораў з прадстаўнікамі Кіева ў нядзелю і чакала рашэння па месцы правядзення перагавораў. У другой палове дня ўкраінскі бок пагадзіўся на сустрэчу ў Гомельскай вобласці.
Перамовы працягваліся каля пяці гадзін.
Склад дэлегацый
У склад расійскай дэлегацыі ўваходзяць намеснік міністра абароны Расіі Аляксандр Фамін, намеснік міністра замежных спраў РФ Андрэй Рудэнка, пасол РФ у Беларусі Барыс Грызлоў, які таксама займае пасаду паўпрэда ў Кантактнай групе па ўрэгуляванні сітуацыі на ўсходзе Украіны, і кіраўнік міжнароднага камітэта Дзярждумы Леанід Слуцкі.
У склад украінскай дэлегацыі ўвайшлі: старшыня фракцыі "Слуга Народа" Давід Арахамія, міністр абароны Украіны Аляксей Рэзнікаў, саветнік кіраўніка Офіса прэзідэнта Міхаіл Падаляк, першы намеснік кіраўніка дэлегацыі Украіны ў Трохбаковай кантактнай групе Андрэй Косцін, народны дэпутат Рустэм Умераў і намеснік міністра замежных спраў Украіны Мікалай Тачыцкі.
Першыя заявы па выніках
Украінская дэлегацыя паведаміла, што бакі едуць для кансультацый у сталіцы.
"Расійская і ўкраінская дэлегацыя сёння вызначылі шэраг прыярытэтных тэм, па якіх намецілі пэўныя рашэнні", – заявіў саветнік кіраўніка офіса ўкраінскага прэзідэнта Падаляк.
Ён таксама дадаў, што бакі абмеркавалі магчымасць правядзення другога раунда.
Кіраўнік расійскай дэлегацыі на перагаворах з украінскім бокам, памочнік прэзідэнта РФ Уладзімір Мядзінскі таксама адзначыў, што знойдзены "некаторыя кропкі, па якіх можна прагназіраваць агульныя пазіцыі".
"Наступная сустрэча ўкраінскай і расійскай дэлегацый адбудзецца на беларуска-польскай мяжы ў бліжэйшыя дні", - дадаў Уладзімір Мядзінскі.
Саветнік кіраўніка офіса Зяленскага ўдакладніў, што падчас другога раўнда перагавораў Расіі і Украіны намечаныя тэмы атрымаюць канкрэтную практыку развіцця.
"Украінская дэлегацыя была гатова слухаць і ўдзельнічаць у самым падрабязным і дэталёвым абмеркаванні сутнасці пытання. Гэта вельмі і вельмі важна. Які будзе працяг, гэта пакажуць найбліжэйшыя дні", – заявіў па выніках перагавораў Леанід Слуцкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Расійска-ўкраінскія перагаворы пачаліся ў Беларусі
Як праходзяць перагаворы Расіі і Украіны – фота
Спецаперацыя ў Данбасе і перамовы ў Беларусі: што вядома да гэтай гадзіны
Мінабароны РФ расказала аб стратах ва Украіне
Пуцін загадаў Мінабароны перавесці сілы стрымлівання ў спецыяльны рэжым