https://bel.sputnik.by/20220228/ukranskaya-delegatsyya-prylyatsela-na-peragavory--belarus-1060899841.html

Расійска-ўкраінскія перагаворы пачаліся ў Беларусі

Расійска-ўкраінскія перагаворы пачаліся ў Беларусі

Sputnik Беларусь

Сустрэча павінна была адбыцца ўвечары ў нядзелю, аднак была перанесена з-за таго, што ўкраінская дэлегацыя ехала цераз тэрыторыю Польшчы. 28.02.2022, Sputnik Беларусь

2022-02-28T11:37+0300

2022-02-28T11:37+0300

2022-02-28T18:26+0300

ваенная спецаперацыя рф у данбасе

дэлегацыя

украіна

перагаворы

беларусь

расія

польшча

гомельская вобласць

спецаперацыя

данбас

https://cdnn11.img.sputnik.by/img/07e6/02/1c/1060919075_0:96:3470:2048_1920x0_80_0_0_acd24f0a1d4e66aeb8299f2b74db7356.jpg

МІНСК, 28 лют – Sputnik. Украінская дэлегацыя прыбыла на перамовы з расійскім бокам у Беларусь, перадае карэспандэнт Sputnik.Сустрэча праходзіць на тэрыторыі Беларусі. Перагаворшчыкі з украінскага боку прыляцелі на верталёце з Польшчы.Расійская дэлегацыяДэлегацыя ад расійскага боку прыбыла ў Мінск для перагавораў з прадстаўнікамі Кіева ў нядзелю і чакала рашэння па месцы правядзення перагавораў. У другой палове дня ўкраінскі бок узгадніў сустрэчу ў Гомельскай вобласці.У яе склад уваходзяць намеснік міністра абароны Расіі Аляксандр Фамін, намеснік міністра замежных спраў РФ Андрэй Рудэнка, пасол РФ у Беларусі Барыс Грызлоў, які таксама займае пасаду паўпрэда ў Кантактнай групе па ўрэгуляванні сітуацыі на ўсходзе Украіны, і кіраўнік міжнароднага камітэта Дзярждумы Леанід Слуцкі.Украінская дэлегацыяДэлегацыя Украіны дабіралася ў Беларусь праз Польшчу - з-за меркаванняў бяспекі."Пабаяліся ехаць напрамую, каб атрады тэрытарыяльнай абароны іх не прынялі за дыверсантаў", - расказаў Sputnik Беларусь палітолаг Юрый Васкрасенскі, знаёмы з сітуацыяй.У склад украінскай дэлегацыі ўвайшлі: старшыня фракцыі "Слуга Народа" Давід Арахамія, міністр абароны Украіны Аляксей Рэзнікаў, саветнік кіраўніка Офіса прэзідэнта Міхаіл Падаляк, першы намеснік кіраўніка дэлегацыі Украіны ў Трохбаковай кантактнай групе Андрэй Косцін, народны дэпутат Рустэм Умераў і намеснік міністра замежных спраў Украіны Мікалай Тачыцкі.Як рыхтаваліся перамовы Расіі і УкраіныАб неабходнасці перагавораў прэзідэнт Беларусі Аляксандр Лукашэнка заявіў яшчэ ў чацвер, 24 лютага, і тады ж прапанаваў правесці іх у Мінску. Да вечара таго ж дня вярнуцца на шлях міру прапанаваў і прэзідэнт Украіны Уладзімір Зяленскі.Да раніцы пятніцы, 25 лютага Украіна пазначыла ўмову правядзення перагавораў аб сваім нейтральным статусе: Кіеў павінен атрымаць гарантыі бяспекі.Прэс-сакратар прэзідэнта РФ Дзмітрый Пяскоў адзначыў, што ў Крамлі звярнулі ўвагу на заяву аб гатоўнасці Зяленскага да перагавораў аб нейтральным статусе Украіны.А кіраўнік МЗС РФ Сяргей Лаўроў заявіў, што Масква гатова да перамоў - як толькі Узброеныя сілы Украіны складуць зброю.У відэазвароце ў пятніцу прэзідэнт Украіны Уладзімір Зяленскі зноў прапанаваў расійскаму лідару Уладзіміру Пуцін сесці за стол перагавораў. Дзмітрый Пяскоў заявіў, што Расія гатова адправіць у Мінск на перамовы з Украінай сваю дэлегацыю. Беларускае МЗС заявіла, што рэспубліка гатова аказаць садзейнічанне ў арганізацыі перагавораў паміж Украінай і Расіяй. Крыху пазней Дзмітрый Пяскоў заявіў, што расійская дэлегацыя для перагавораў з Украінай сфарміравана.>>> Хочаце яшчэ больш актуальных і цікавых навін – падпісвайцеся на Telegram-канал Sputnik БеларусьТаксама на Sputnik:

украіна

беларусь

расія

польшча

гомельская вобласць

данбас

2022

Навіны

ru_BY

дэлегацыя, украіна, перагаворы, беларусь, расія, польшча, гомельская вобласць, спецаперацыя, данбас, бяспека