Пляцоўка для расійска-ўкраінскіх перагавораў падрыхтавана – МЗС Беларусі

МІНСК, 28 лют – Sputnik. Пляцоўка для перагавораў дэлегацый Расіі і Украіны падрыхтавана, аб гэтым заявіў прэс-сакратар міністэрства замежных спраў Беларусі Анатоль Глаз.

Перагаворы пачнуцца, як толькі дэлегацыі прыбудуць да месца сустрэчы.

Беларускі бок гатоў арганізаваць працэс у любую хвіліну, паведаміў прадстаўнік МЗС агенцтву БелТА.

Расійская дэлегацыя знаходзіцца на тэрыторыі Беларусі з нядзелі, 27 лютага. Папярэдне планавалася, што перамовы павінны пачацца ў гэты дзень, аднак дэлегацыя Украіны затрымалася з-за доўгай дарогі: з меркаванняў бяспекі яны паехалі праз тэрыторыю Польшчы.

Аб неабходнасці перагавораў паміж Кіевам і Масквой заявіў прэзідэнт Беларусі Аляксандр Лукашэнка яшчэ 24 лютага і прапанаваў правесці іх у Мінску. Да вечара таго ж дня вярнуцца на шлях міру прапанаваў і прэзідэнт Украіны Уладзімір Зяленскі.

Да раніцы пятніцы, 25 лютага Украіна пазначыла ўмову правядзення перамоў аб сваім нейтральным статусе: Кіеў павінен атрымаць гарантыі бяспекі.

Прэс-сакратар прэзідэнта РФ Дзмітрый Пяскоў адзначыў, што ў Крамлі звярнулі ўвагу на заяву аб гатоўнасці Зяленскага да перагавораў аб нейтральным статусе Украіны.

А кіраўнік МЗС РФ Сяргей Лаўроў заявіў, што Масква гатова да перагавораў – як толькі Узброеныя сілы Украіны складуць зброю.

У відэазвароце ў пятніцу прэзідэнт Украіны Уладзімір Зяленскі зноў прапанаваў расійскаму лідару Уладзіміру Пуцін сесці за стол перагавораў. Дзмітрый Пяскоў заявіў, што Расія гатова адправіць у Мінск на перагаворы з Украінай сваю дэлегацыю. Беларускае МЗС заявіла, што рэспубліка гатова аказаць садзейнічанне ў арганізацыі перагавораў паміж Украінай і Расіяй. Крыху пазней Дзмітрый Пяскоў заявіў, што расійская дэлегацыя для перагавораў з Украінай сфарміравана.