Samsung прыпыняе пастаўкі смартфонаў і бытавой тэхнікі ў РФ

МІНСК, 5 сак - Sputnik. Samsung прыпыняе пастаўкі ў Расію ўсіх тавараў, у тым ліку тэлефонаў і чыпаў на фоне "геапалітычных падзей", паведамляе агенцтва Блумбэрг са спасылкай на заяву паўднёвакарэйскай кампаніі.

Samsung "пільна сочыць за складанай сітуацыяй", гаворыцца ў заяве буйнога сусветнага вытворцы электронікі і бытавой тэхнікі. Там таксама ўдакладняецца, што размова ідзе аб прыпыненні паставак усіх тавараў паўднёвакарэйскага брэнда, у тым ліку чыпаў, смартфонаў і бытавой тэхнікі.

У прэс-службе паўднёвакарэйскага канцэрна агенцтву РІА Навіны пацвердзілі інфармацыю аб спыненні паставак. Па дадзеных адной з крыніц агенцтва, прадукцыю фізічна немагчыма даставіць у Расію, за выключэннем тых тавараў, што вырабляюцца на расійскіх заводах Samsung. Яны пакуль функцыянуюць без праблем, аднак могуць узнікнуць цяжкасці, калі працягнуцца затрымкі паставак камплектуючых.

Раней аб часовым прыпыненні паставак тавараў і паслуг у Расію паведаміў шэраг іншых кампаній, сярод якіх Apple, Oracle, AMD і іншыя.

У прыватнасці, напярэдадні стала вядома аб рашэнні амерыканскай Intel Corp. прыпыніць пастаўку сваёй прадукцыі кліентам у Расіі і Беларусі, рашэнне прынята ў сувязі з правядзеннем ваеннай спецаперацыі РФ на Украіне і ў Данбасе.

Прэзідэнт Расіі Уладзімір Пуцін 21 лютага заявіў аб прызнанні незалежнасці народных рэспублік Данбаса і падпісаў адпаведныя ўказы. 24 лютага ў адказ на просьбу кіраўнікоў ЛНД і ДНР аб дапамозе ў адбіцці агрэсіі з боку Узброеных сіл Украіны расійскі лідэр аб'явіў аб пачатку ваеннай спецаперацыі ў Данбасе.

Пасля пачатку спецаперацыі на Украіне шэраг краін (ЗША, ЕС і шэраг іншых дзяржаў) заявілі аб увядзенні санкцый у дачыненні да Расіі, абмежаванні закранулі і Беларусь. У прыватнасці, некалькі расійскіх банкаў былі адключаны ад сістэмы плацяжоў SWIFT, аб цяжкасцях у рабоце паведамілі беларускія банкі.